नेपाल प्रहरीका ४८८ इन्स्पेक्टरको सरुवा, खड्का नेपालगन्ज वडामा

सुरक्षा-अपराध

गृहपृष्ठ
सुरक्षा-अपराध
नेपाल प्रहरीका ४८८ इन्स्पेक्टरको सरुवा, खड्का नेपालगन्ज वडामा

नेपाल प्रहरीका ४८८ इन्स्पेक्टरको सरुवा, खड्का नेपालगन्ज वडामा

मंगलबार, असोज ६, २०७७ बागेश्वरी पोस्ट

प्रहरी निरीक्षक हरि बहादुर बस्नेत र पबिन्द्र बम

नेपालगन्ज । प्रहरी प्रधान कार्यालय नक्सालले देशभर ४८८ जना प्रहरी निरीक्षकहरुको सरुवा भएको छ। असोज महिनाको तलव, भत्ता समेत हाल सरुवा भएको दरबन्दीबाट खान मिल्ने गरी देशभरका ४ सय ८८ प्रहरी निरीक्षकको सरुवा गरिएको प्रहरी प्रधान कार्यालयले जनाएको छ।

प्रहरी प्रधान कार्यालयले वडा प्रहरी कार्यालय नेपालगन्जमा प्रहरी निरीक्षक डिल्ली बहादुर खड्काको सरुवा गरेको छ। त्यस्तै वडा प्रहरी कार्यालय नेपालगन्जबाट प्रहरी निरीक्षक हरि बहादुर बस्नेतको केन्द्रिय अनुसन्धान ब्यूरो, चोरी अपराध अनुसन्धान शाखामा सरुवा भएको छ।

जिल्ला ट्राफिक प्रहरी बाँकेमा राजु भण्डारीको सरुवा भएको छ भने बाँके ट्राफिकमा रहेका प्रहरी निरीक्षक पबिन्द्र बमको ट्राफिक प्रहरी महाशाखा, गस्ती शाखामा सरुवा भएको छ। यता बाँकेकै ईलाका प्रहरी कार्यालय भगवानपुरमा मान बहादुर वि.सी.को स्थानमा बसन्त गौतमको सरुवा भएको छ। प्रहरी निरीक्षक बस्नेतले आफ्नो कार्यकालमा नेपालगन्जमा थुप्रै सर्हानिय कार्य गरेका छन् । यस्तै ईश्वर देव गिरी जिल्ला प्रहरी कार्यालय बाँकेमा सरुवा भएको छ।

नेपाल प्रहरी अधिकृतमा बस्नेत अपराधका दुश्मन मानिन्छन् । त्यस्तै ट्राफिक प्रहरी बाँके प्रमुख बमले सवारी दुर्घटना न्यूनिकरणमा धेरै राम्रो कार्य गरेका छन् भने सरकारको खातामा धेरै राजस्व जम्मा गरिसकेका छन् ।

सरुवा सूची अनुसार महानगरीय प्रहरी प्रभाग, बुढानीलकण्ठमा राजकुमार तामाङ, साँखु प्रभागमा जानुका देवी खरेल, पर्यटक प्रहरी कार्यालय भृकुटीमण्डपमा चन्द्रकिशोर शाह र इलाका प्रहरी कार्यालय खानीखोलामा रुपा थापा पठाइएका छन् ।

इलाका प्रहरी कार्यालय रसुवामा केदार बस्नेत, इलाका प्रहरी कार्यालय आबुखैरेनीमा विकास थापालाई प्रहरी प्रधान कार्यालयले पठाएको छ ।

इन्सपेक्टरको सरुवा सुची

प्रकाशित मिति: मंगलबार, असोज ६, २०७७ ०८:५८

प्रतिक्रिया दिनुहोस्