वीरगञ्जबाट २३ किलो अवैध सुन बरामद

अर्थ

गृहपृष्ठ
अर्थ
वीरगञ्जबाट २३ किलो अवैध सुन बरामद

वीरगञ्जबाट २३ किलो अवैध सुन बरामद

शनिबार, कात्तिक १, २०७७ बागेश्वरी पोस्ट

नेपालगन्ज । वीरगञ्जबाट प्रहरीले २३ किलो अवैध सुन बरामद गरेको छ । वीरगन्ज महानगरपालिका-५ स्थित गणेश अपार्टमेन्टबाट सुन बरामद गरिएको प्रहरी उपरीक्षक गंगा पन्तले जानकारी दिइन्।

प्रहरीका अनुसार पर्साका प्रमुख जिल्ला अधिकारी आस्मान तामाङसम्म अपार्टमेन्टमा अवैध सुन लुकाएर राखिएको सूचना पुगेको थियो । प्रहरीले सुन बरामद गरेपनि कसैलाई नियन्त्रणमा भने लिएको छैन । प्रहरीले बरामद गरेको सुन सक्कली प्रमाणित भएमा सुनको मुल्य करिव १८ करोड रुपैयाँ भन्दा बढी पर्न आउछ ।

त्यसक्रममा प्रहरीले १ केजीका १३ वटा बिस्कुट, मझौला बिस्कुट ४६ थान (८ केजी ५७६ ग्राम) र सानो बिस्कुट १०० ग्रामका १० थान (एक केजी) बरामद भएको छ । सुनका गरगहना पनि बरामद भएको छ, जसको तौल ६८१ ग्राम छ । सबै गरेर २३ किलोभन्दा बढी सुन बरामद भएको एसपी गंगा पन्तले जानकारी दिइन् ।

यस्तै २ केजी २६२ ग्राम बराबरका चाँदीका गरगहना तथा भाडाकुँडा समेत बरामद भएको छ ।

सो अपार्टमेन्टमा भारतीय नागरिक आशोक सिन्हा भाडामा बस्दै आएका थिए । सिन्हा रक्सौल विधानसभाको सिटमा उम्मेद्वारी दिएका प्रमोद सिन्हाका भाई हुन् । अशोक सिन्हा सुनको यो कारोबारमा संलग्नता भएको प्रारम्भिक अनुसन्धानमा देखिएको छ। बिहारमा अहिले निर्वाचनको माहोल भएकाले सुन यता राखिएको हुनसक्छ ।

प्रकाशित मिति: शनिबार, कात्तिक १, २०७७ १५:४४