काठमाडौं प्रहरी परिसर प्रमुखबाट एसएसपी ज्ञवालीको सरुवा गर्ने तयारी

सुरक्षा-अपराध

गृहपृष्ठ
सुरक्षा-अपराध
काठमाडौं प्रहरी परिसर प्रमुखबाट एसएसपी ज्ञवालीको सरुवा गर्ने तयारी

काठमाडौं प्रहरी परिसर प्रमुखबाट एसएसपी ज्ञवालीको सरुवा गर्ने तयारी

शुक्रबार, कात्तिक १४, २०७७ बागेश्वरी पोस्ट

प्रहरी वरिष्ठ उपरीक्षक (एसएसपी) श्यामलाल ज्ञवाली

काठमाडौं । काठमाडौं प्रहरी परिसर प्रमुखबाट प्रहरी वरिष्ठ उपरीक्षक (एसएसपी) श्यामलाल ज्ञवालीको सरुवा गर्ने तयारी भएको छ । गृहस्रोतले दिएको जानकारी अनुसार उनको ठाउँमा एसएसपीद्वय रामदत्त जोशी र अशोक सिंहमध्ये एक जनालाई जिम्मेवारी दिने तयारी भएको छ ।

एसएसपी ज्ञवालीले गत फागुनमा काठमाडौं प्रहरी परिसर प्रमुखको जिम्मेवारी पाएका थिए । एक वर्ष नपुग्दै उनको ठाउँमा नयाँ एसएसपीलाई पठाउने तयारी भएको हो ।

गृहमन्त्री रामबहादुर थापा बादल एसएसपी सिंहको पक्षमा छन् भने प्रहरी महानिरीक्षक शैलेश थापा र एआईजीपी निरज शाही एसएसपी जोशीलाई पठाउनुपर्ने पक्षमा छन् ।

आईजीपी थापाले कुनै पनि अधिकृतको सरुवा एक वर्ष नपुगी नगर्ने सार्वजनिक अभिव्यक्ति दिइरहँदा काठमाडौं प्रहरी परिसर प्रमुखको वर्षदिन नपुग्दै सरुवा गर्ने तयारी भएको हो ।

त्यसैगरी ललितपुरका प्रहरी प्रमुखमा एसएसपी किरण बज्राचार्यलाई पठाउने तयारी भइरहेको स्रोतले जानकारी दियो । ललितपुरका प्रहरी प्रमुखको एक वर्षे अवधि पूरा भइसकेको छ । ललितपुर प्रहरी प्रमुखमा एसएसपी टेकप्रसाद राई रहेका छन् ।

प्रकाशित मिति: शुक्रबार, कात्तिक १४, २०७७ १०:३३

प्रतिक्रिया दिनुहोस्