भारतीय सेना प्रमुख नरवणे आज नेपाल आउँदै

सुरक्षा-अपराध

गृहपृष्ठ
सुरक्षा-अपराध
भारतीय सेना प्रमुख नरवणे आज नेपाल आउँदै

भारतीय सेना प्रमुख नरवणे आज नेपाल आउँदै

बुधबार, कात्तिक १९, २०७७ बागेश्वरी पोस्ट

भारतीय सेनाध्यक्ष जनरल मनोजमुकुन्द नरवणे

काठमाडौं । भारतीय सेना प्रमुख जनरल मनोज मुकुन्द नरवणे आज नेपाल आउँदै गर्दा काठमाडौंमा सुरक्षा सतर्कता बढाइएको छ । उनी सेनाको मानार्थ महारथीको दर्ज्यानी ग्रहण गर्न उनी चार सदस्यीय टोलीका साथ काठमाडौं आउन लागेका हुन् । उनी आज दिउँसो भारतीय सेनाको विशेष विमानमार्फत् काठमाडौं आउदै छन् । नेपाल–भारत सीमा विवाद चर्किएको बेला लिम्पियाधुरासहितको नेपालको नक्सालाई लिएर नरवणेले विवादास्पद टिप्पणी गरेकाले उनको भ्रमणलाई चासोका साथ हेरिएको छ । बिहीबार राष्ट्रपति विद्यादेवी भण्डारीले उनलाई नेपाली सेनाको मानार्थ महारथीको दर्ज्यानी चिन्ह प्रदान गर्ने कार्यक्रम छ । साथै, उनले प्रधानसेनापति पूर्णचन्द्र थापासँग पनि छलफल गर्नेछन।फर्किने दिन शुक्रबार प्रधानमन्त्री एवं रक्षामन्त्री केपी शर्मा ओलीसँग उनले भेटवार्ता गर्ने कार्यक्रम तय भएको नेपाली सेनाले जनाएको छ ।

प्रकाशित मिति: बुधबार, कात्तिक १९, २०७७ ०७:५५