चितुवा आतङ्कले स्थानीयवासी त्रसित

समाचार

गृहपृष्ठ
समाचार
चितुवा आतङ्कले स्थानीयवासी त्रसित

चितुवा आतङ्कले स्थानीयवासी त्रसित

सोमबार, कात्तिक २४, २०७७ बागेश्वरी पोस्ट

फाइल फोटो

दमौली । चितुवाको आतङ्कले स्थानीयवासी त्रसित भएका छन् । तनहुँको बन्दीपुर गाउँपालिका–६ डाँडाछापमा चितुवाको आतङ्कले स्थानीयवासी त्रसित भएका हुन् । चितुवाले घरछेउमै आएर गोठमा बाँधिराखेको खसीबोकालाई आक्रमण गर्न थालेपछि स्थानीयवासी त्रसित भएका हुन् । शनिबार राति स्थानीयवासी गणेशबहादुर गुरुङको खोरमा चितुवाले पाँच वटा खसीबोकालाई आक्रमण गरेको छ ।

स्थानीयवासी सुरेन्द्र गुरुङका अनुसार चितुवाको आक्रमणबाट पाँच वटा खसीबोका मरेको छ । “घरमै आएर चितुवाले आक्रमण गर्न थालेपछि स्थानीयवासी त्रसित भएका छन्,” उनले भने । वडाध्यक्ष सन्तबहादुर गुरुङले बन्दीपुरमा चितुवाको आतङ्क रहेकाले स्थानीयवासी त्रसित रहेको जानकारी दिए । “शनिबार रातिको घटना विवरण चाँही मसँग आइपुगेको छैन,” उनले भने, “चितुवाको आतङ्क भने छ ।” उनका अनुसार केही समय अगाडि भने स्थानीयवासीले पालेका खसीबोकालाई चितुवाले आक्रमण गरी मारेको थियो। जिल्लाका विभिन्न ठाउँमा चितुवाको आतङ्क छ ।

भानु नगरपालिका, आँबुखैरेनी गाउँपालिका, बन्दीपुर गाउँपालिका, शुक्लागण्डकी नगरपालिकामा चितुवाको आक्रमणबाट बालबालिका समेत ज्यान गुमाएका छन् ।

प्रकाशित मिति: सोमबार, कात्तिक २४, २०७७ १४:१२

प्रतिक्रिया दिनुहोस्