पोखरेललाई एआईजीमा बढुवा गर्ने मन्त्रिपरिषद्को निर्णय

सुरक्षा-अपराध

गृहपृष्ठ
सुरक्षा-अपराध
पोखरेललाई एआईजीमा बढुवा गर्ने मन्त्रिपरिषद्को निर्णय

पोखरेललाई एआईजीमा बढुवा गर्ने मन्त्रिपरिषद्को निर्णय

कार्य एवं अपराध अनुसन्धान विभागको जिम्मेवारी

बिहीबार, मंसिर २५, २०७७ बागेश्वरी पोस्ट

फाइल फोटो

नेपालगन्ज । सरकारले नेपाल प्रहरीका नायव महानिरीक्षक (डीआईजी) विश्वराज पोखरेललाई अतिरिक्त महानिरीक्षक (एआईजी)मा बढुवा गर्ने निर्णय गरेको छ ।

बिहीबार साँझ बसेको मन्त्रिपरिषद्को बैठकले गृह मन्त्रालयले गरेको बढुवा सिफारिसलाई सदर गर्ने निर्णय गरेको हो ।

बढुवा समितिले मंसिर १५ मा पछि थपिएको एउटा सिटमा पोखरेललाई बढुवा गर्न सिफारिस गरेको थियो । पोखरेल डिआईजी बढुवा हुंदा आफ्नो ब्याचबाट एकल रुपमा बढुवा भएका थिए । पोखरेल २०४९ चैतमा प्रहरी निरीक्षक पदमा भर्ना भएका हुन ।

डिआइजी पोखरेल हाल महानगरीय प्रहरी कार्यालय रानीपोखरीमा कार्यरत छन् । सरकारले नेपाल प्रहरीमा एक जना एआईजी र पांच जना डिआईजीको दरबन्दी थप्ने निर्णय गरेको थियो ।

बुधबार साँझ बसेको मन्त्रिपरिषद् बैठकले पोखरेललाई बढुवा गर्दै कार्य एवं अपराध अनुसन्धान विभागमा पदस्थापन गरेको छ । महानगरीय प्रहरी कार्यालय, रानीपोखरीको जिम्मेवारी भने अपराध अनुसन्धान विभागका एआईजी हरिबहादुर पालले पाएका छन् ।

प्रकाशित मिति: बिहीबार, मंसिर २५, २०७७ १९:५७

प्रतिक्रिया दिनुहोस्