भालुको आक्रमणबाट दुई जना गम्भीर घाइते

समाचार

गृहपृष्ठ
समाचार
भालुको आक्रमणबाट दुई जना गम्भीर घाइते

भालुको आक्रमणबाट दुई जना गम्भीर घाइते

शुक्रबार, पुस २४, २०७७ बागेश्वरी पोस्ट

फाइल फोटो

डोटी । डोटीमा भालुको आक्रमणमा परि दुई जना गम्भीर घाइते भएका छन् । आदर्श गाउँपालिका १ मा जङ्गली भालुको आक्रमणमा परी दुई जना गम्भीर घाइते भएको जिल्ला प्रहरी कार्यालय डोटीले जानकारी दिएको छ।

प्रहरीका अनुसार भालुको आक्रमणमा परी गम्भीर घाइते हुनेमा ८४ वर्षीय रामबहादुर खड्का र निजकी पाँच वर्षीया नातिनी सरस्वती खड्का रहेका छन् । बिहीबार साँझ खेतबारीको काम सकेर घर फर्किँदै गर्दा घरनजिकै उनीहरुलाई भालुले आक्रमण गरी गम्भीर घाइते बनाएको जिल्ला प्रहरी कार्यालय डोटीले जनाएको छ ।

भालुको आक्रमणबाट गम्भीर घाइते उनीहरुको दिपायलमा रहेको शैलेश्वरी अस्पतालमा उपचार भइरहेकोे इलाका प्रहरी कार्यालय दिपायलले जनाएको छ । भालुले घाइतेहरुको टाउको र गर्धनमा गहिरो चोट पुर्याएको अस्पतालका डा ललित लिम्बूले जानकारी दिए । जिल्लामा खप्तड राष्ट्रिय निकुञ्जबाट गाउँमा आहाराका लागि आउने जङ्गली जनावरले बर्सेनि स्थानीयवासीलाई आक्रमण गरी घाइते बनाउने गरेको सायल गाउँपालिकाका स्थानीय तेजबहादुर डुम्रेलले जानकारी दिए ।

आक्रमण गर्ने भालु अहिले पनि गाउँमै भएका कारण यहाँका स्थानीयवासीले भालुलाई नियन्त्रणमा लिन प्रहरी प्रशासनलाई आग्रह गरेका छन् ।

प्रकाशित मिति: शुक्रबार, पुस २४, २०७७ १०:४१

प्रतिक्रिया दिनुहोस्