अपहरणमा परेको ट्यांकर धनुषामा भेटियो, सबै तेल गायब

अर्थ

गृहपृष्ठ
अर्थ
अपहरणमा परेको ट्यांकर धनुषामा भेटियो, सबै तेल गायब

अपहरणमा परेको ट्यांकर धनुषामा भेटियो, सबै तेल गायब

बुधबार, मंसिर ४, २०७६ बागेश्वरी पोस्ट

फाइल फोटो

जनकपुर । सिरहाको लहानबाट अपहरण गरेको भनिएको नेपाल आयल निगमको तेल ढुवानी गर्ने ट्यांकर मंगलबार साँझदेखि हराएको ट्यांकर धनुषाको क्षिरेश्वरनाथ नगरपालिका १ स्थित रमदैयामा प्रहरीले फेला पारेको छ ।

प्रदेश २ का प्रहरी प्रमुख डीआईजी प्रद्युम्न कार्कीले ढल्केबरबाट १० किलोमिटर दक्षिणमा मंगलबार राति नै ट्यांकर भेटिएको पुष्टि गरे । भेटिएको ट्यांकरमा तेल गायब छ । तेल कहाँ खन्याइयो भन्ने खुलेको छैन। बाराको अमलेखगंजस्थित नेपाल आयल निगमको डिपोबाट २० हजार लिटर डिजेल भरेर प्रदेश १ को राजधानी विराटनगरतर्फ जाने क्रममा ना ४ख ४१६३ नम्बरको टयांकर सोमबार राति अपहरण गरेको बताइएको थियो ।

यद्यपि, दाबी गरिएजस्तो टयांकर अपहरण भएको थियो या चालककै संलग्नतामा तेल बिक्री गर्न अपहरणको बहाना गरिएको थियो भन्ने खुलेको छैन । टयांकरका चालक रामदेव यादव र सहचालक उमेश यादवलाई नियन्त्रणमा लिएर घटनाबारे अनुसन्धान भइरहेको डीआईजी कार्कीले जानकारी दिए ।

प्रकाशित मिति: बुधबार, मंसिर ४, २०७६ १०:२६

प्रतिक्रिया दिनुहोस्