नेपालगञ्जबाट हुम्ला सहुलियत दरमा हवाई उडान

समाचार

गृहपृष्ठ
समाचार
नेपालगञ्जबाट हुम्ला सहुलियत दरमा हवाई उडान

नेपालगञ्जबाट हुम्ला सहुलियत दरमा हवाई उडान

सोमबार, माघ ५, २०७७ रासस

नेपालगञ्ज । सडक यातायात नजोडिएको हिमाली जिल्ला हुम्लाका लागि उडान भर्ने सबै निजी क्षेत्रका एयरलाइन्सले सहुलियत उडान भर्न शुरु गरेका छन् । कोरोनापछि उक्त उडान बन्द भएकामा हाल सहजरुपमा हवाई यातायात सञ्चालन हुँदा उक्त उडान शुरु गरिएको हो ।

नेपालगञ्जबाट सिमकोटका लागि उडान भर्ने सबै एयरलाइन्सले सहुलियत उडान पुनः शुरु गरिएको कार्गो व्यवसायी विष्णु रावतले बताउनुभयो । न्यून आयस्रोत भएका व्यक्तिलाई लक्षित गरी एयरलाइन्सले सहुलियत उडान भर्न शुरु गरिएको उहाँले बताउनुभयो ।

नेपालगञ्जबाट सिमकोट उडानका लागि चार्टर भाडादर चर्को भएका बेला यसले हुम्लावासीलाई केही राहत पुगेको छ । नयाँ सहुलियत उडानको भाडादर सीता एयरलाइन्सले र तारा एयरलाइन्सले ६ हजार तथा नेपाल एयरलाइन्सले ५ हजार ९ सय ७५ तोकेको बताइएको छ । सबै एयरलाइन्सले हप्तामा एक/एक उडान भर्न शुरु गरेका छन् ।

प्रकाशित मिति: सोमबार, माघ ५, २०७७ १३:१३

प्रतिक्रिया दिनुहोस्