नेकपाको दुई समूहवीच झडप, वडाध्यक्ष घाइते

समाचार

गृहपृष्ठ
समाचार
नेकपाको दुई समूहवीच झडप, वडाध्यक्ष घाइते

नेकपाको दुई समूहवीच झडप, वडाध्यक्ष घाइते

उपचारका लागि सदरमुकाम लगियो

सोमबार, माघ ५, २०७७ बागेश्वरी पोस्ट

हुम्ला । नेकपाको दुई समूहवीच झडप हुँदा घाइते भएका वडाध्यक्षलाई थप उपचारका लागि सदरमुकाम सिमकोट ल्याइएको छ । हुम्लाको अदानचुची गाउँपालिकामा ओली र प्रचण्ड-नेपाल समूहवीच झडप हुँदा अदानचुली गाउँपालिका वडा नम्बर १ का वडाध्यक्ष रंग थापा घाइते हुनुभएको थियो । घाइते थापालाई थप उपचारका लागि हेलिकप्टरबाट जिल्ला अस्पताल सिमकोट ल्याइएको हो । आइतबार दिउँसो वडाध्यक्ष थापाको नेतृत्वमा अदानचुलीको कल्ख्यामा नेकपाको ओली पक्षले वडा कमिटि गठन गरेर फर्कने क्रममा बाटोमा प्रचण्ड-नेपाल पक्षका कार्यकर्ताहरुले ढुङ्गामुढा गर्दा वडाध्यक्ष थापा घाइते हुनुभएको गाउँपालिकाका अध्यक्ष दल फडेराले बताउनुभयो । थापाको टाउको तथा मुखमा चोट लागेको छ । स्थानीय स्वास्थ्य चौकीमा अध्यक्ष थापालाई ६ वटा टाँका लगाई उपचार गरिएको भएपनि स्थानीय स्वास्थ्य चौकीमा थप उपचार नहुने भएपछि माउण्टेन एयरको हेलिकप्टर चार्टर गरी थप उपचारका लागि जिल्ला अस्पताल सिमकोट ल्याइएको गाउँपालिका अध्यक्ष फडेराले बताउनुभयो । वडा अध्यक्ष थापाको अहिले जिल्ला अस्पताल सिमकोटमा उपचार भइरहेको छ । पूर्व माओवादीबाट वडा अध्यक्षमा निर्वाचित थापा नेकपा विभाजित हुँदा अहिले ओली समूहमा लाग्नुभएको छ ।

प्रकाशित मिति: सोमबार, माघ ५, २०७७ २०:०५

प्रतिक्रिया दिनुहोस्