नयाँ दिल्लीमा बम विष्फोट, सुरक्षा सतर्कता बढाइयो

विश्व

गृहपृष्ठ
विश्व
नयाँ दिल्लीमा बम विष्फोट, सुरक्षा सतर्कता बढाइयो

नयाँ दिल्लीमा बम विष्फोट, सुरक्षा सतर्कता बढाइयो

शनिबार, माघ १७, २०७७ बागेश्वरी पोस्ट

नयाँ दिल्ली (भारत) । भारतको राजधानी नयाँदिल्लीमा बम विष्फोट भएको छ । इजरायली दूतावास नजिक भएको विष्फोटबाट केही कारमा क्षति पुगेको छ ।

विष्फोटपछि भारतका लागि इजरायली राजदूत रान माल्काले यो हमलाको उद्धेश्य पत्ता लगाउनका लागि आफूहरुले भारतीय अधिकारीहरुसँग मिलेर काम गरिरहेको बताएका छन् । यो घटना दुवै देशको राजनीतिक सम्बन्धको २९ वर्षको वार्षिकोत्सवका समयमा भएको हो ।

दिल्ली पुलिसका जनसम्पर्क अधिकारीले जिन्दल हाउसको नजिक एपीजे अब्दुल कलाम रोडमा साँझ स्थानीय समय अनुसार ५ः०५ बजे कम क्षमताको आइइडी विष्फोट भएको बताए । यसबाट केही पनि घाइते भएका छैनन् । तीन कारको शीशा फुटेको छ । इन्डियन एक्सप्रेसको रिपोर्टअनुसार शुरुआती जाँचका क्रममा यो बम रोड डिभाइडरमाथि गमलामा राखिएको थियो । दिल्लीमा सुरक्षा बढाइएको छ । उक्त विष्फोटका समयमा भारतीय राष्ट्रपति रामनाथ कोविन्द र प्रधानमन्त्री नरेन्द्र मोदी बिटिङ रिट्रिट सेरेमनीका लागि जाँदै थिए ।

यसैबीच भारतीय गृहमन्त्री अमित शाहले यो घटनापछि आफ्नो बंगाल यात्रा स्थगित गरेका छन् । शाहले शुक्रबार राति दिल्लीमा सुरक्षा र खुफिया एजेन्सीका अधिकारीहरुसँग उच्चस्तरीय मिटिङ पनि गरेका छन् ।

प्रकाशित मिति: शनिबार, माघ १७, २०७७ ०९:२४