म्यानमारकी नेतृ आङ सान सू ची सेनाद्वारा गिरफ्तार

विश्व

गृहपृष्ठ
विश्व
म्यानमारकी नेतृ आङ सान सू ची सेनाद्वारा गिरफ्तार

म्यानमारकी नेतृ आङ सान सू ची सेनाद्वारा गिरफ्तार

सोमबार, माघ १९, २०७७ बागेश्वरी पोस्ट

म्यानमारको सत्तारुढ दल न्याश्नल लिग फर डेमोक्रेसी (एनएलडी) की नेत्री आङ सान सू ची

नेपालगन्ज । म्यानमारकी नेतृ आङ सान सू ची पक्राउ परेकी छिन् । म्यानमारको सत्तारुढ दल न्याश्नल लिग फर डेमोक्रेसी (एनएलडी) की नेतृ आङ सान सू चीलाई पक्राउ गरिएको उक्त पार्टीका प्रवक्ताले बताएका छन्।

सेनाले सत्ता हत्याउने आशङ्कामा सरकार र सेनाबीच तनाव बढिरहेका बेला सू चीलाई पक्राउ गरिएको बीबीसीले जनाएको छ । सोमवार हुन लागेको संसद्को बैठकलाई पछि सार्न सेनाले सरकारलाई आह्वान गरिरहेको छ।

पार्टी प्रवक्ता म्यो न्यूनले रोयटर्स समाचार संस्थालाई फोनमार्फत् जानकारी दिँदै सू चीका साथै राष्ट्रपति वुइन मीयन र अन्य नेताहरूलाई पनि बिहान सबेरै लगिएको बताएको बीबीसीले जनाएको छ ।

बीबीसी बर्मा सेवाका अनुसार राजधानीमा टेलिफोन र इन्टरनेट सेवा बन्द गरिएको छ। सेनाले थुप्रै ठाउँहरूमा मुख्य मन्त्रीका घरहरूमा पनि पुगेर उनीहरूलाई लगेको परिवारका सदस्यहरूले बताएका छन्।

सेनाले कू गर्न खोजेको भन्ने चासोहरू व्यक्त भएपछि गत शनिवार त्यहाँको सशस्त्र फौजले सेनाले संविधानको पालना गर्ने वाचा गरेको थियो।

प्रकाशित मिति: सोमबार, माघ १९, २०७७ ०९:०७