खरेलको “लभ इन जेरुसलम” उपन्यास लोकार्पण

संस्कृति-साहित्य

गृहपृष्ठ
संस्कृति-साहित्य
खरेलको “लभ इन जेरुसलम” उपन्यास लोकार्पण

खरेलको “लभ इन जेरुसलम” उपन्यास लोकार्पण

आइतबार, फागुन ९, २०७७ बागेश्वरी पोस्ट

काठमाण्डौ । उपन्यासकार कल्पना खरेलको “लभ इन जेरुसलम” उपन्यास लोकार्पण गरिएको छ । साहित्यिक पत्रकार संघले उपन्यासकार खरेलको “लभ इन जेरुसलम” उपन्यास प्रजातन्त्र दिवसको अवसर पारेर काठमाण्डौमा लोकार्पण गरेको हो ।

No description available.

लोकार्पण कार्यक्रम साहित्यिक पत्रकार संघका अध्यक्ष राधेश्याम लेकालीको अध्यक्षता तथा वरिष्ठ पत्रकार एवं साहित्यकार गोपालप्रसाद थपलियाको प्रमुख आतिथ्यतामा सम्पन्न भएको थियो । कार्यक्रममा वरिष्ठ आख्यानकार कृष्ण धरावासी, “लभ इन जेरुसलम” का प्रकाशक पैरवी बुक हाउस प्रालिका संयोजक अधिवक्ता चन्द्र सिवाकोटी लगायत विभिन्न साहित्यकारहरुको बाक्लो उपस्थिति रहेको थियो कार्यक्रमका प्रमुख अतिथि थपलियाले लेखक खरेलको लेखनको चर्चा गर्दै उपन्यासको महत्वमाथि प्रकाश पार्नुभएको थियो । उहाँले उपन्यासकार खरेललाई दोसल्ला लगाएर सम्मान पनि गर्नुभएको थियो ।

कार्यक्रममा अध्यक्ष लेकालीले विमोचित कृतिको चर्चा गर्दै धन्यवाद ज्ञापन गर्नुभएको थियो । कार्यक्रममा विशेष अतिथिहरु गुन्जनका अध्यक्ष हिरण्यकुमारी पाठक, वरिष्ठ साहित्यकारहरु डा. बन्धु कोइराला र प्रमोद प्रधानले शुभकामना मन्तव्य राख्नु भएको थियो । सोही कार्यक्रममा संघका पूर्व कोषाध्यक्ष, अन्तर्राष्ट्रिय नेपाली साहित्य समाज (अनेसास)का वर्तमान केन्द्रिय उपाध्यक्ष साहित्यकार बाबा बस्नेत र साहित्यकार डा. प्रदिपकुमार मैनालीले पुस्तकको परिचर्चा गर्नुभएको थियो ।

संघका सदस्य साहित्यकार दामोदर पुडासैनीले स्वागत मन्तव्य राख्नुभएको लोकार्पण कार्यक्रममा शिक्षाविद् तथा साहित्यकार किरण आचार्य र संघका महासचिव पुष्पा खनालले आ-आफ्नो मन्तव्य राख्नुभएको थियो । उपन्यास “लभ इन जेरुसलेम” इजरायलको परिवेशमा लेखिएको कृति हो ।

प्रकाशित मिति: आइतबार, फागुन ९, २०७७ १७:३२