एउटा कारले ६ मोटरसाइकल, २ स्कुटर र भ्यानलाई ठोक्यो, ३ जना घाइते

सुरक्षा-अपराध

गृहपृष्ठ
सुरक्षा-अपराध
एउटा कारले ६ मोटरसाइकल, २ स्कुटर र भ्यानलाई ठोक्यो, ३ जना घाइते

एउटा कारले ६ मोटरसाइकल, २ स्कुटर र भ्यानलाई ठोक्यो, ३ जना घाइते

शनिबार, फागुन १५, २०७७ बागेश्वरी पोस्ट

तस्बिर: बिरेन्द्र शाक्यको फेसबुकबाट

नेपालगन्ज । एउटा कारले ८ वटा दुई पाङ्ग्रे साधनलाई ठक्कर दिएको छ। काठमाडौंको कीर्तिपुरमा एउटा कारले दुई वटा स्कुटर, छ वटा मोटरसाइकल र एक भ्यानलाई ठक्कर दिएको हो ।

गएराती कीर्तिपुरको नयाँ बजारमा सो सडक दुर्घटना भएको हो । महानगरीय प्रहरी वृत्त कीर्तिपुरका डिएसपी रुपेश तण्डुकारका अनुसार एकतर्फी (वन वे) सडकबाट आएको कारले सो सडकमा चल्दै गरेका दुई पाङ्ग्रे आठ वटा सवारी साधन र एक भ्यानलाई ठक्कर दिएको हो । सो सडक दुर्घटनामा परी तीन जना घाइते भएको डीएसपी तण्डुकारले जानकारी दिए ।

घाइतेको अहिले किर्तिपुर अस्पतालमा उपचार भइरहेको छ । दुर्घटनामा कारले ठक्कर दिएपछि भ्यान पल्टिएको छ भने दुई स्कुटरसमेत सडक किनारमा पल्टिएका छन् ।

प्रहरीले कार चालकलाई कलङ्कीबाट पक्राउ गरेको छ । दुर्घटनापछि चालक भागेका थिए । प्रहरीले चालकले मादक पदार्थ सेवन (मापसे) गरी कार चलाएको बताएको छ । हाम्राकुराबाट।

प्रकाशित मिति: शनिबार, फागुन १५, २०७७ ०८:२७

प्रतिक्रिया दिनुहोस्