११ लाख रुपैयाँ घुससहित प्रहरी हवल्दार पक्राउ

सुरक्षा-अपराध

गृहपृष्ठ
सुरक्षा-अपराध
११ लाख रुपैयाँ घुससहित प्रहरी हवल्दार पक्राउ

११ लाख रुपैयाँ घुससहित प्रहरी हवल्दार पक्राउ

सोमबार, फागुन २४, २०७७ बागेश्वरी पोस्ट

नेपालगन्ज । अख्तियार दुरुपयोग अनुसन्धान आयोगले ११ लाख रुपैयाँ घुससहित नेपाल प्रहरीका हवल्दारलाई पक्राउ गरेको छ।

पक्राउ पर्नेमा महानगरीय प्रहरी वृत्त नयाँबानेश्वरमा कार्यरत प्रहरी हबल्दार तारा कुमारी श्रेष्ठ हुन् । हवल्दार श्रेष्ठलाई ११ लाख रुपैयाँ घुससहित त्रिभुवन विमानस्थल भन्सार कार्यालय गौचर, काठमाडौंको कार्यालय प्रवेश गर्ने मूलगेट अगाडिबाट पक्राउ गरेको अख्तियार दुरुपयोग अनुसन्धान आयोगले जानकारी दिएको छ ।

श्रेष्ठसंगै घुस रकम राखिदिएका चाबहिलस्थित ओल्ड टाउन क्याफे एण्ड पब रेष्टुरेन्टका सन्चालन अनिस जोशीलाई पनि अख्तियारको टोलीले पक्राउ गरेको छ ।

भन्सार चोरी निकासीको मुद्दामा हिरासतमा रहेका व्यक्तिलाई छुटाईदिने भन्दै घुस माग गरेको सुचनाका आधारमा उनीहरुलाई पक्राउ गरेको अख्तियारले जानकारी दिएको छ। पक्राउ परेका दुवै जनासंग थप अनुसन्धान गरिरहेको अख्तियारले जानकारी दिएको छ ।

प्रकाशित मिति: सोमबार, फागुन २४, २०७७ ११:३९

प्रतिक्रिया दिनुहोस्