सरकारमा सहभागी हुन पार्टीले मरिहत्ते गरेको छैन: सभापति देउवा

राजनीति

गृहपृष्ठ
राजनीति
सरकारमा सहभागी हुन पार्टीले मरिहत्ते गरेको छैन: सभापति देउवा

सरकारमा सहभागी हुन पार्टीले मरिहत्ते गरेको छैन: सभापति देउवा

मंगलबार, चैत १०, २०७७ रासस

नेपालगन्ज । नेपाली कांग्रेसका सभापति शेरबहादुर देउवाले अहिले आफ्नो दलका नेतृत्वमा सरकार निर्माण गर्ने तयारी नगरिएको बताएका छन् ।

विराटनगर विमानस्थलमा आज सञ्चारकर्मीसँग कुरा गर्दै उनले वर्तमान अवस्थामा सरकारमा सहभागी हुनका लागि पार्टीले मरिहत्ते नगरेको स्पष्ट गरे ।

सभापति देउवाले भने, “हाम्रो पार्टी प्रतिपक्षी भएकाले वर्तमान सरकारमा सहभागी हुँदैन, जनताले कांग्रेसलाई प्रतिपक्षको भूमिका निर्वाह गर्न आदेश दिएकाले सोहीअनुसार सशक्त भूमिका निर्वाह गर्ने छ ।”

एक प्रश्नका जवाफमा पूर्वप्रधानमन्त्री देउवाले वर्तमान सरकार विरुद्ध आफ्नो दलले अविश्वास प्रस्ताव ल्याउने सम्बन्धमा आफूलाई थाहा नभएको बताउँदै अन्य दलले कहिले ल्याउने हो भन्नेबारे सम्बन्धित दलका नेतालाई नै सोध्न सल्लाह दिए ।

नेता देउवा सुनसरी, धरानको एक कार्यक्रममा सहभागी हुन यहाँ आएका हुन् ।

प्रकाशित मिति: मंगलबार, चैत १०, २०७७ १६:४४

प्रतिक्रिया दिनुहोस्