नक्कली नोट छाप्ने मेसिनसहित दुई जना प्रहरीको फन्दामा

सुरक्षा-अपराध

गृहपृष्ठ
सुरक्षा-अपराध
नक्कली नोट छाप्ने मेसिनसहित दुई जना प्रहरीको फन्दामा

नक्कली नोट छाप्ने मेसिनसहित दुई जना प्रहरीको फन्दामा

शुक्रबार, चैत १३, २०७७ बागेश्वरी पोस्ट

नेपालगन्ज । नक्कली नोट छाप्ने मेसिनसहित दुई जनालाई प्रहरीले पक्राउ गरेको छ । महानगरीय प्रहरी वृत्त कालीमाटीको प्रहरी टोलीले नक्कली नोट र मेसिनसहित दुई जनालाई पक्राउ गरेको हो। पक्राउ पर्नेमा रौतहटका ३५ वर्षीय गनबहादुर लोप्चान र मकवानपुरकी ३९ वर्षीया माया तामाङलाई पक्राउ गरी सार्वजनिक गरेको हो ।

नक्कली नोट बोकेका व्यक्ति कलङ्की तरकारी बजारमा तरकारी किन्न आएको सुराकीका आधारमा पक्राउ गरिएको महानगरीय प्रहरी परिसर काठमाडौँले जानकारी दिएको छ ।

प्रहरीको अनुसन्धानबाट पक्राउ परेका व्यक्तिले कीर्तिपुरको एक घरमा पैसा छाप्ने मेसिन राखेर नक्कली नोट छाप्ने गरेको खुल्न आएको थियो।पक्राउ परेका व्यक्तिको बयानका आधारमा अर्की महिला पक्राउ परेकी हुन्।

प्रहरीले एक हजार दरको ५१ थान, ५०० दरको ५७ थान, १०० दरको दुई थान, मेसिन एक थान, फोटोकपी पेपर, पेपर कटर एक थान, ल्यापटप एक थान, मोबाइल एक थान बरामद गरेको छ । पक्राउ परेका दुवैजना संग थप अनुसन्धान भइरहेको प्रहरीले जानकारी दिएको छ ।

प्रकाशित मिति: शुक्रबार, चैत १३, २०७७ ०९:०२

प्रतिक्रिया दिनुहोस्