धम्बोझी प्रेसिडेन्ट लिगको शीर्ष दुईमा

खेलकुद

गृहपृष्ठ
खेलकुद
धम्बोझी प्रेसिडेन्ट लिगको शीर्ष दुईमा

धम्बोझी प्रेसिडेन्ट लिगको शीर्ष दुईमा

शनिबार, चैत १४, २०७७ बागेश्वरी पोस्ट

नेपालगन्ज । धम्बोझी क्लब लुम्बिनी प्रदेशले एन्फा प्रेसिडेन्ट लिग २०७७ मा आज कर्णालीको लेकाली युवा क्लबलाई ३–१ ले पराजित गरेको छ । जीतसँगै धम्बोझीले लिगको शीर्ष–२ मा पर्न सफल हुँदै राष्ट्रिय लिगका लागि छनोट भएको छ । यस लिगको शीर्ष ४ टोलीले एन्फाले आयोजना गर्ने राष्ट्रिय लिग खेल्न पाउनेछन् ।

आज नेपालगन्ज रंगशालामा धम्बोझीको जीतमा बिसन गुरुङले ३०औं मिनेटमा, गौरब बुढाथोकीले ४४औं मिनेटमा र निसान लिम्बुले ४८औं मिनेटमा गोल गरेका थिए । लेकालीका संजय धिमालले २४औं मिनेटमा गोल गरे । खेलमा धम्बोझीका गौरब बुढाथोकी म्यान अफ द म्याच बन्न सफल भए । बुढाथोकीलाई कर्णाली फुटबल संघ उपाध्यक्ष भरत बहादुर खत्रीले पुरस्कृत गर्नुभयो ।

धम्बोझीले ६ खेलमा ४ मा जीत र २ मा हारको सामना गर्दै १२ अंक जोडेको छ । लेकालीले ६ खेलमा ५ मा हार र १ बराबरीमा खेल्दै १ अंक मात्र जोड्दै अंक तालिकाको पुछारमा छ । एक खेल अगावै सुदुरपश्चिमको स्टार सिटी युवा क्लब कैलाली १३ अंक सहित लिग च्याम्पियन बनिसकेको छ । गण्डकी प्रदेशको त्रिवेणी युवा क्लब ९ अंक सहित तेस्रो स्थानमा छ ।

भोलि लिगको अन्तिम दिन स्टार सिटीले त्रिवेणी युवा क्लबसँग प्रतिष्पर्धा गर्नेछ । त्रिवेणीले उक्त खेल जितेपछि हेड टु हेडका आधारमा धम्बोझी शीर्ष–२ मा पर्ने पक्का भएको हो । जीतपछि आज धम्बोझीका प्रशिक्षक रबिन्द्र श्रेष्ठले लिगको अन्त्य सुखद भएको बताउनुभयो । भोलि लिगको अन्तिम दिनको पहिलो खेलमा सैनिक युवा क्लब झापा र मनकामना युवा क्लब रौतहट बीच प्रतिष्पर्धा हुनेछ । अर्को खेलमा स्टार सिटी र त्रिवेणीबीच प्रतिष्पर्धा हुनेछ ।

प्रकाशित मिति: शनिबार, चैत १४, २०७७ १९:५२

प्रतिक्रिया दिनुहोस्