जङ्गलमा लागेको आगो निभाउने क्रममा भिरबाट लडेर एक जनाको मृत्यु

समाचार

गृहपृष्ठ
समाचार
जङ्गलमा लागेको आगो निभाउने क्रममा भिरबाट लडेर एक जनाको मृत्यु

जङ्गलमा लागेको आगो निभाउने क्रममा भिरबाट लडेर एक जनाको मृत्यु

बुधबार, चैत १८, २०७७ बागेश्वरी पोस्ट

नेपालगन्ज । आगो निभाउने क्रममा लडेर एक जनाको मृत्यु भएको छ। मकवानपुरको राक्सिराङ गाउँपालिकामा आगो निभाउने क्रममा भिरबाट लडेर एक वृद्ध पुरुषको मृत्यु भएको जिल्ला प्रहरी कार्यालय मकवानपुरले जनाएको छ ।
मृत्यु हुनेमा राक्सिराङ–६ बस्ने ७० वर्षीय भीमबहादुर प्रजा रहेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए ।

उनका अनुसार प्रजाको मंगलबार राति जङ्गलको आगो निभाउन जाँदा स्थानीय सिलिङ्चेमा भिरबाट लडेर मृत्यु भएको हो ।

मृतक प्रजाको शव परीक्षणका लागि हेटौँडा अस्पताल ल्याइसकिएको जिल्ला प्रहरी कार्यालय मकवानपुरले जनाएको छ ।

मृतक प्रजा स्थानीय वडाध्यक्ष सिंहबहादुर प्रजाको बाबु रहेको बुझिएको छ । रासस

प्रकाशित मिति: बुधबार, चैत १८, २०७७ ११:०३

प्रतिक्रिया दिनुहोस्