ट्र्याक्टर दुर्घटनामा पाँच जनाको मृत्यु

समाचार

गृहपृष्ठ
समाचार
ट्र्याक्टर दुर्घटनामा पाँच जनाको मृत्यु

ट्र्याक्टर दुर्घटनामा पाँच जनाको मृत्यु

सोमबार, चैत ३०, २०७७ बागेश्वरी पोस्ट

नेपालगन्ज । ट्र्याक्टर दुर्घटनामा पाँच जनाको मृत्यु भएको छ। पूर्वी चितवनको राप्ती नगरपालिका–११ मा मजदूर बोकेको ट्र्याक्टर दुर्घटना हुँदा मृत्यु भएका पाँचमध्ये चारजनाको सनाखत भएको छ ।

जिल्ला प्रहरी कार्यालय चितवनका अनुसार सनाखत हुनेमा राप्ती नगरपालिका–५ का ३५ वर्षीय खडक लामा, खैरहनी नगरपालिका–९ का ४० वर्षीय मगन महतो, ५० वर्षीया छनिया महतो र राप्ती नगरपालिका–४ का ४५ वर्षीय सीताराम श्रेष्ठ रहेका छन् ।

एक जना अन्दाजी २५ वर्षीय पुरुषको नाम थर ठेगाना खुल्न सकेको छैन । थाकलटारबाट चिउँडेखोलातर्फ आउँदै गरेको ना१त ६२८२ नम्बरको ट्र्याक्टर अनियन्त्रित भई आमपानीस्थित चिउँडेखोलामा दुर्घटना भएको थियो । ट्र्याक्टर सडकबाट करिब २०० मिटर तल खस्दा सवार १९ जना घाइते भएका छन् ।

कार्यालयका प्रवक्ता प्रहरी नायब उपरीक्षक सूर्यबहादुर थापाका अनुसार घाइतेमध्ये सात जनाको अवस्था गम्भीर रहेको छ भने ११ जनाको अवस्था मध्यम रहेको छ ।

एक जनाको अवस्था सामान्य रहेको छ । घाइते सबैको पुरानो मेडिकल कलेजमा उपचार भइरहेको छ । दुर्घटना आइतबार बेलुकी ७ः३० बजे भएको हो । रासस।

प्रकाशित मिति: सोमबार, चैत ३०, २०७७ ०९:३१

प्रतिक्रिया दिनुहोस्