कोरोना संक्रमितप्रति अध्यक्ष बेहनाको चिन्ता,निशुल्क औषधी दिने घोषणा

स्वास्थ्य

गृहपृष्ठ
स्वास्थ्य
कोरोना संक्रमितप्रति अध्यक्ष बेहनाको चिन्ता,निशुल्क औषधी दिने घोषणा

कोरोना संक्रमितप्रति अध्यक्ष बेहनाको चिन्ता,निशुल्क औषधी दिने घोषणा

आइतबार, वैशाख १२, २०७८ बागेश्वरी पोस्ट

नेपालगन्ज । नेपालगन्जमा कोरोना संक्रमण बढ्दै गएपछि नेपालगन्ज वडा नम्बर ४ का अध्यक्ष मो. सफिक बेहनाले चिन्ता ब्यक्त गरेका छन् ।

अध्यक्ष बेहनाले नेपालगन्ज ४ मा रहेका कोरोना संक्रमितहरुको बारेमा शहरी स्वास्थ्य प्रबर्दन केन्द्रकी पुष्पा खड्कासँग परामर्श गरेका छन् ।

उनले आफ्नो वडामा होम आइसोलेसनमा बसेका संक्रमितको तथ्यांक निकाल्न खड्कालाई निर्देशन दिएका छन् ।अध्यक्ष बेहनाले वडामा होम आइसोलेसनमा बसेका संक्रमितहरुलाई निशुल्क औषधीसमेत दिने घोषणा गरेका छन् ।

चिकित्सकहरुको सल्लाह अनुसार उनले संक्रमितहरुका लागि अति आबश्यक रहेका औषधी निशुल्क दिने बताएका छन् । यसका साथै अध्यक्ष बेहनाले भेरी अस्पतालमा उपचाररत वडा नम्बर ४ का कोरोना संक्रमितलाई समेत आबश्यक पर्ने औषधी समेत उपलब्ध गराउने भएका छन् ।

मनकारी अध्यक्ष बेहनाले नेपालगन्जमा होम आइसोलेसनमा बसेका वडा बाहिरका संक्रमितलाई समेत आबश्यक पर्ने औषधी उपलब्ध गराउने वचन समेत दिएका छन् ।

समाजसेबी एबम मनकारी अध्यक्ष बेहनाले शुक्रवार भेरी अस्पतालको कोरोना उपचार कक्षका लागि २०० थान अक्सिजन सिलिन्डरका लागि ब्यक्तिगत २ लाख रुपैयाँ र शनिबार भेरी अस्पतालका कोरोना संक्रमितका लागि तातो पानी पिउने आधुनिक वाटर डिस्पेंसरी समेत सहयोग गरेर एउटा मानबताको उदाहरण दिइसकेका छन् ।

प्रकाशित मिति: आइतबार, वैशाख १२, २०७८ २१:०८

प्रतिक्रिया दिनुहोस्