अध्यक्ष सुमन मल्लले बनाए १० बेडको अक्सिजनसहितको आइसोलेसन सेन्टर

स्वास्थ्य

गृहपृष्ठ
स्वास्थ्य
अध्यक्ष सुमन मल्लले बनाए १० बेडको अक्सिजनसहितको आइसोलेसन सेन्टर

अध्यक्ष सुमन मल्लले बनाए १० बेडको अक्सिजनसहितको आइसोलेसन सेन्टर

आइतबार, वैशाख १२, २०७८ बागेश्वरी पोस्ट

नेपालगन्ज । बाँकेका एक जना मनकारी वडा अध्यक्षले आफ्नै ब्यक्तिगत लगानीमा अक्सिजनसहित १० बेडको कोरोना आइसोलेसन सेन्टर स्थापना गरेका छन् ।

बाँकेको खजुरा गाउँपालिका वडा नम्बर १ का अध्यक्ष सुमन मल्लले जिल्लामा कोरोना संक्रमितको संख्या बढदै गएपछी आफ्नै लगानीमा वडामा १० बेडको अक्सिजनसहितको आइसोलेसन सेन्टर बनाएका हुन् ।

समाजसेबी एबम सबैका प्रिय अध्यक्ष मल्लले स्थिति भयाबय बन्दै गएकोले संक्रमित भएकाहरुको जिबन बचाउन सकिने उदेश्यका साथ यो कार्य गरेको बताए।

वडा नम्बर १ को राधापुर स्वास्थ्य चौकीमा आजबाट स्थापना गरिएको आइसोलेसन सेन्टरमा एक जना कोरोना संक्रमित उपचारका लागि आइसकेको स्वास्थ्य चौकी प्रमुख दिपक ढकालले बताए।

यस्तै भेरी अस्पतालमा उपचार गराइरहेका अन्य दुई जना सामान्य संक्रमितलाई भोलि राधापुर स्वास्थ्य स्वास्थ्य ल्याएर उपचार सुरु गरिने प्रमुख ढकालले बतए।ढकालका अनुसार उक्त आइसोलेसन सेन्टरमा थप १० वटा बेड राखिने भएको छ।

कोरोना संक्रमितको उपचारका लागि उक्त आइसोलेसन सेन्टरमा ६ जना स्वास्थ्यकर्मीलाई शिफ्ट अनुसार परिचालन गरिएको छ ।

बाँकेमा अहिले भेरी अस्पताल र नेपालगन्ज मेडिकल कलेज कोहलपुरमा कोरोना संक्रमित तिब्र रुपमा बढेपछि ती अस्पतालहरुमा थप कोरोना संक्रमित राख्ने ठाँउ नै छैन् , अध्यक्ष मल्लले निर्माण गरेको आइसोलेसनले कोरोना संक्रमितको जीवन बचाउनेमा कुनै संका नभएको नेकपा एमालेका युवा नेता भिम ओलीले भने।

ओलीका अनुसार बाँकेका सबै स्थानीय तहमा कोरोना संक्रमितको संख्या बढदै गएकाले सम्बन्धित तहका जनप्रतिनिधिहरुले पनि अध्यक्ष मल्लको कार्यलाई पछ्याउने कार्य गरे पक्कै पनि कोरोना संक्रमितले नयाँ जीवन पाउनेछन् ।

अध्यक्ष मल्लको सर्हानिय कार्यप्रती स्थानीयहरु हर्शित भएका छन् ।

प्रकाशित मिति: आइतबार, वैशाख १२, २०७८ २१:२६