डा.योगी पत्रकार महासंघ बाँकेको स्वास्थ्य परामर्शदाता

स्वास्थ्य

गृहपृष्ठ
स्वास्थ्य
डा.योगी पत्रकार महासंघ बाँकेको स्वास्थ्य परामर्शदाता

डा.योगी पत्रकार महासंघ बाँकेको स्वास्थ्य परामर्शदाता

सोमबार, वैशाख २७, २०७८ प्रविण गिरी

नेपालगन्ज । नेपाल पत्रकार महासंघ बाँके शाखाले डा.सुभाष योगीलाई स्वास्थ्य परामर्शदाता नियुक्त गरेको छ ।

कोरोना संक्रमित पत्रकारहरुको स्वास्थ्य चेकजाँचका लागि नेपालगंज मेडिकल कलेजका फिजिसियन/फोक्सो रोग विशेषज्ञ डा. योगीलाई स्वास्थ्य परामर्शदाता नियुक्त गरिएको नेपाल पत्रकार महासंघ बाँकेका अध्यक्ष दामोदर भण्डारीले बताउनुभयो । डा. योगी र अध्यक्ष भण्डारीबीच आज कोरोना अवधिभर नि:शुल्क परामर्शदाता रहने गरी सम्झौता भएको हो ।

कोही पत्रकार कोरोना लागेर विरामी भएमा महासंघद्वारा डा.योगीलाई साथमा लिएर घरमै गई स्वास्थ्य चेकजाँच गराइने सम्झौतापत्रमा उल्लेख छ । दुई हजार भन्दा बढी कोरोनाका बिरामीको उपचार गरिसक्नु भएका डा.योगीले औषधि उपचार तथा विभिन्न जाँचहरु गराउनु हुने र गम्भीर स्वास्थ्य अवस्था देखिए अस्पताल भर्नाको लागि रिफर गर्नु हुनेछ ।

प्रकाशित मिति: सोमबार, वैशाख २७, २०७८ १५:१८

प्रतिक्रिया दिनुहोस्