नदीमा डुबेर बहिनीको मृत्यु,दिदी बेपत्ता

समाचार

गृहपृष्ठ
समाचार
नदीमा डुबेर बहिनीको मृत्यु,दिदी बेपत्ता

नदीमा डुबेर बहिनीको मृत्यु,दिदी बेपत्ता

मंगलबार, जेठ २५, २०७८ बागेश्वरी पोस्ट

नेपालगन्ज । नदीमा डुबेर बहिनीको मृत्यु भएको छ भने दिदी बेपत्ता भएकी छिन् ।पश्चिम रुकुमकी । पश्चिम रुकुमको चौरजहारी नगरपालिका १२ दुरनेटाका अम्मर डाँगीकी ११ वर्षकी छोरी गीताको भेरी नदीमा डुबेर मृत्यु भएको प्रहरीले जनाएको छ ।

जाजरकोट प्रहरीका अनुसार गीताको दिदी दीपा नदीमा बेपत्ता भएकी छन् । सँगै गएका सोही ठाँउका १७ वर्षका रामबहादुर डाँगी घाइते भएका छन् । उनलाई नदीमा बग्दा बग्दै उद्धार गरिएको हो । जाजरकोट भेरी नगरपालिका १ रावतगाँउमा रहेका आफन्त भेट्न आएका उनीहरु गर्मी छल्न भन्दै नदीमा पौडी खेल्न थालेको र पौडी खेल्ने क्रममा रामबहादुरलाई नदीले बगाउन थालेपछि उद्धारका लागि गएका दिदी बहिनी समेत बगेका थिए ।

गीता र रामबहादुरलाई तत्काल स्थानीयले उद्धार गरेपनि उपचारको क्रममा गीताको जाजरकोट अस्पतालमा मृत्यु भएको प्रहरीले जनाएको छ । रामबहादुरको अवस्था भने सामान्य बन्दै गएको छ । बेपत्ता दीपाको खोजी कार्य भैरहेको प्रहरीले बताएको छ ।

प्रकाशित मिति: मंगलबार, जेठ २५, २०७८ १९:४७

प्रतिक्रिया दिनुहोस्