प्रदेश ५ फोनिजको अध्यक्षमा गाहा र महासचिवमा गुरुङ चयन

विज्ञान-प्रबिधि

गृहपृष्ठ
विज्ञान-प्रबिधि
प्रदेश ५ फोनिजको अध्यक्षमा गाहा र महासचिवमा गुरुङ चयन

प्रदेश ५ फोनिजको अध्यक्षमा गाहा र महासचिवमा गुरुङ चयन

मंगलबार, मंसिर १७, २०७६ बागेश्वरी पोस्ट

बुटवल ।फोनिजको ५ नं प्रदेश अध्यक्षमा यमबहादुर गाहा मिलन अध्यक्षमा निर्वाचित भएका छन । पाल्पाको सुकेतालमा सम्पन्न ५ नं प्रदेश स्तरीय प्रथम महाधिवेशनबाट मिलन अध्यक्षमा सर्वसम्मत चयन भएका छन ।

फोनिजकोे खुला उपाध्यक्षमा सबी थारु, महिला उपाध्यक्ष प्रभा गाहा र महासचिव बाँकेका गजेन्द्र गुरुङ चयन भएका छन । त्यसैगरी संगठन सचिव नगेन्द्र चौधरी, संस्थागत सचिव रवीन्द्र पुन मगर र कोषाध्यक्ष विनोद श्रेष्ठ चयन भएका छन् । सदस्यमा मीनाकुमारी कुमाल, नीता चौधरी, विष्णुकुमार आले, रामअवतार चौधरी, प्रज्वल श्रेष्ठ, रवीन्द्रमान शेरचन र यमुना चौधरी चयन भएका छन् ।

महाधिवेशनको उद्घाटन गर्दै प्रदेश ५ का सभामुख पूर्णबहादुर घर्तीले पत्रकारिता क्षेत्रको विकासविना लोकतन्त्र फस्टाउन नसक्ने बताए । उनले लोकतन्त्रमा पत्रकारिताको विकासका लागि राजनीतिक दल, सरकार कहिल्यै पछाडि नहट्ने बताए । घर्तिले मुलुक संघीयतामा प्रवेश गरेको हुँदा अब अधिकारको कुरा गर्दा कर्तव्यलाई पनि भुल्न नहुने बताए। उनले व्यक्ति, जाति, पार्टी विशेषको संविधान नभएकाले संरक्षण र संवर्धन गर्नु पनि सबैको दायित्व भएको बताए ।

कार्यक्रममा नेपाल आदिवासी जनजाति पत्रकार महासंघ (फोनिज) का केन्द्रीय अध्यक्ष डण्ड गुरुङ, वरिष्ठ उपाध्यक्ष गजुर्धन राई, तिनाउ गाउँपालिका अध्यक्ष ओमबहादुर घर्ती, महासचिव मनोज घर्ती, तिनाउ गाउँपालिकाका प्रवक्ता राजेश श्रेष्ठ, नेपाल पत्रकार महासंघका प्रदेश कोषाध्यक्ष गणेश ओली, प्रेस युनियनका केन्द्रीय सदस्य माधव अर्याल लगायतले सबै जातजातिलाई समेटेर मिडिया हाउसलाई समावेशी बनाउन पहल गर्नुपर्नेमा जोड दिए ।

प्रकाशित मिति: मंगलबार, मंसिर १७, २०७६ ०२:१२

प्रतिक्रिया दिनुहोस्