एनआरएनए बेल्जियमको निर्वाचनमा हमला

विश्व

गृहपृष्ठ
विश्व
एनआरएनए बेल्जियमको निर्वाचनमा हमला

एनआरएनए बेल्जियमको निर्वाचनमा हमला

मंगलबार, साउन १२, २०७८ बागेश्वरी पोस्ट

नेपालगन्ज । गैरआवासीय नेपाली संघ, बेल्जियमको आठौं राष्ट्रिय महाधिवेशन अन्तर्गतको निर्वाचनमा सांघातिक आक्रमण भएको छ । एनआरएनएका प्रवक्ता डीवी क्षेत्रीले प्रेस विज्ञप्ति जारी गर्दै आइतबार भएको निर्वाचनमा सांघातिक आक्रमण भएको जनाएका हुन् ।

विज्ञप्तिमा भनिएको छ, ‘बेल्जियमस्थित ७ वटै निर्वाचन क्षेत्रहरुहरुमा निर्धारित समय बिहान ९ः०० बजेदेखि दिउँसो ५ः०० बजेसम्म भौतिक रुपमा उपस्थित भएर निर्वाचन भइरहेको थियो। तर अकस्मात आन्त्र्वोपेन क्षेत्रमा लगभग ४ः४५ बजे विदेशी मूलका मानिसहरु हलभित्र प्रवेश गरी मतपेटिका तानेर त्यसलाई फुटाल्दै भूईँमा छरपष्ट पार्दै मत पेटिका कव्जा गर्ने प्रयास गरे । त्यसको प्रतिकार गरी मतपेटिकालाई जोगाउनको लागि निर्वाचन स्थलमा उपस्थित गैरआवासीय नेपाली सदस्यहरु प्रतिकार गर्न जाँदा उहाँहरु माथि सांघातिक आक्रमण गरी घाइतेसमेत बनाइयो।’

घटनाबारे अगाडि लेखिएको छ, ‘बुथ कब्जाको शिलसिलामा आक्रमणकारी व्यक्तिहरुले तरल पदार्थ मतपेटिकामा खनाई पूर्व उपाध्यक्ष शारदा अर्याल, साधारण सदस्य मुना केसी, यस निर्वाचनमा कोषाध्यक्षको उम्मेदवार रहनु भएका पुष्प नेपालमाथि सांघातिक आक्रमण गरी घाईते बनाए । आक्रमणकारीलाई सम्झाउन जाँदा यस निर्वाचनका निर्वाचन आयुक्तलाई समेत आक्रमण गरी कुटपिट गरिएको थियो ।’

विज्ञप्तिमा क्षेत्रीले लेखेका छन्, ‘मतपेटिका कब्जा गर्न खोजेता पनि त्यहाँ उपस्थित सचेत एनआरएनएका सदस्यहरुले त्यसको प्रतिकार गर्दै आन्त्र्वोपेन क्षेत्रको सवै मतपत्रहरु सुरक्षित राख्दै पुन अर्को मतपेटीकाको व्यवस्था गरी सुरक्षित राखिएको जानकारी प्राप्त भएको छ ।’

एनआरएनएले यस निन्दनीय घटना प्रति संघको गम्भीर ध्यानाकर्षण भएको जनाएको छ। यो घटनामा संलग्नहरुलाई कानुनको दायरामा ल्याउने प्रकृया अगाडि बढि सकेको पनि जनाइएको छ । ‘यस घटनामा संलग्न व्यक्तिहरु पहिचान भए पश्चात निजहरुलाई पञ्जिकृत सदस्यता नरहने गरी कारबाही गर्ने संघको प्रतिवद्दता रहेको जानाकारी गराउँदछौं ’ भनिएको छ ।

प्रकाशित मिति: मंगलबार, साउन १२, २०७८ ०९:०४