उप-प्रमुख थापा मगरद्वारा गृहमन्त्री र स्वास्थ्य राज्यमन्त्रीसँग भेटघाट

समाचार

गृहपृष्ठ
समाचार
उप-प्रमुख थापा मगरद्वारा गृहमन्त्री र स्वास्थ्य राज्यमन्त्रीसँग भेटघाट

उप-प्रमुख थापा मगरद्वारा गृहमन्त्री र स्वास्थ्य राज्यमन्त्रीसँग भेटघाट

बुधबार, साउन २७, २०७८ बागेश्वरी पोस्ट

काठमाडौं । नेपालगन्ज उप-महानगरपालिकाका उप-प्रमुख उमा थापा मगरले आज गृहमन्त्री र स्वास्थ्य राज्यमन्त्रीलाई भेट गर्नुभएको छ ।

गृहमन्त्री बालकृष्ण खांण र स्वास्थ्य राज्यमन्त्री उमेश श्रेष्ठलाई भेट गरी समग्र नेपालगन्जको बारेमा अवगत गराउनुभएको छ । भेटघाटमा उप-प्रमुख थापाले गृहमन्त्री खांणलाई बधाई तथा सफल कार्यकालको शुभकामना दिनुहुँदै नेपालगन्जको शान्तिसुरक्षा र आजैदेखि शुरू भएको होल्डिग सेन्टरका बारेमा जानकारी गराउनुभएको हो ।

उहाँले आजै स्वास्थ्य राज्यमन्त्री श्रेष्ठलाई समेत भेट गरी कोभिड विरूद्धको खोप प्रशस्त मात्रामा सहज तरिकाले उपलब्ध गराउनुको साथै भेरी अस्पताललाई मेडिकल कलेजमा रूपान्तरण गर्नुपर्ने माग राख्नुभएको छ । राज्यमन्त्री श्रेष्ठले कोभिड विरूद्धको खोप सहज तरिकाले आम नागरिकलाई उपलब्ध गराउने कार्यमा आफू लागिपरेको र कोभिड महामारीको वेला उपचारमा उल्लेखनीय काम गरेर विरामीको सेवामा लागिपरेको भेरी अस्पतालको स्तर उन्नतिको लागि आफूले सक्दो प्रयास गर्ने प्रतिबद्धता ब्यक्त गर्नुभएको छ ।

यसअघि उप-प्रमुख थापाले प्रधानमन्त्री शेरवहादुर देउवा र विभिन्न मन्त्रालयका सचिवहरूलाई समग्र नेपालगन्जको विकास र समस्याका बारे जानकारी गराइसक्नुभएको छ ।

प्रकाशित मिति: बुधबार, साउन २७, २०७८ १९:१२

प्रतिक्रिया दिनुहोस्