अफगानिस्तानबाट सय बढी नेपाली काठमाडौं आइपुगे

समाचार

गृहपृष्ठ
समाचार
अफगानिस्तानबाट सय बढी नेपाली काठमाडौं आइपुगे

अफगानिस्तानबाट सय बढी नेपाली काठमाडौं आइपुगे

मंगलबार, भदौ १, २०७८ बागेश्वरी पोस्ट

नेपालगन्ज । अफगानस्तानबाट १ सय बढी नेपाली काठमाडौं आइपुगेका छन् । तालिवानीले अफगानिस्तान कब्जा गरेपछि अफगानस्तानबाट १ सय बढी नेपाली आज काठमाडौं आइपुगेका हुन् ।

गृह मन्त्रालयले जानकारी दिए अनुसार १ सय बढी नेपाली अफगानस्तानबाट काठमाडौं स्थित त्रिभुवन अन्तराष्ट्रिय विमानस्थल आइपुगेका हुन् ।

उनीहरुलाई सरकारले स्वास्थ्य जाँचका लागि खरिपाटी र राधास्वामी होल्डिङ सेन्टरमा लगेर राख्ने व्यवस्था मिलाएको छ । होल्डिङ सेन्टरमा पुर्याएपछि पीसीआर परिक्षण तथा एन्टिजेन विधि मार्फत कोरोना परिक्षण लगायत स्वास्थ्य जाँच हुनेछ । स्वास्थ्य अवस्था ठीक रहेको पाइए उनीहरुलाई घर पठाइने गृह मन्त्रालयले जानकारी दिएको छ ।

अफगानिस्थानमा विद्रोही तालिबानले कब्जामा लिएपछि त्यहाँ रहेका नेपालीहरू जोखिममा परेका छन् । श्रम स्वीकृति लिएर अफगानिस्तान पुगेकामध्ये करिब १५ सय जनाको तथ्याङ्क परराष्ट्र मन्त्रालयले प्राप्त गरेको छ । तालिवानी समूहले सत्ता नियन्त्रणमा लिएपछि नेपाल सरकारले त्यहाँ रहेका आफ्ना नागरिकको तथ्याङ्क खोजी गरिरहेकोमा परराष्ट्र मन्त्रालयले हालसम्म करिब १५ सय जनाको तथ्याङ्क प्राप्त भएको जनाएको हो ।

परराष्ट्र मन्त्रालयकी प्रवक्ता सेवा लम्सालले करिब १५ सय नेपालीको तथ्याङ्क मन्त्रालयसँग प्राप्त भएको जनाएकी हुन् । उनले अन्य सरकारी निकायसँग भएको आधिकारिक आँकडा भने फरक हुनसक्ने उनले बताएकी छन् । नागरिकहरुलाई सम्पर्कमा आउन भनिसकेको छ ।

अफगानिस्तानमा तालिबानले सत्ता कब्जा गरेपछि उब्जिएको परिस्थितिमा त्यहाँ रहेका नेपालीहरूको स्वदेश फिर्तीका लागि आफ्ना सबै संयन्त्र परिचालन गरिसकेको गृह मन्त्रालयले जनाएको छ ।

प्रकाशित मिति: मंगलबार, भदौ १, २०७८ १६:१०

प्रतिक्रिया दिनुहोस्