नेपालगन्ज विमानस्थलमा ४ किलो सुन बरामदपछि काठमाडौं विमानस्थलको जाँचमा थप कडाइ

सुरक्षा-अपराध

गृहपृष्ठ
सुरक्षा-अपराध
नेपालगन्ज विमानस्थलमा ४ किलो सुन बरामदपछि काठमाडौं विमानस्थलको जाँचमा थप कडाइ

नेपालगन्ज विमानस्थलमा ४ किलो सुन बरामदपछि काठमाडौं विमानस्थलको जाँचमा थप कडाइ

सोमबार, भदौ २१, २०७८ बागेश्वरी पोस्ट

नेपालगन्ज । नेपालगन्ज विमानस्थलमा बाँके प्रहरीले ४ किलो सुन बरामद गरेपछि त्रिभुवन विमानस्थलको सुरक्षा जाँच लाई कडा पारिएको छ।
गत शुक्रबार काठमाडौंबाट नेपालगन्जका लागि उडेको श्री एअरको फ्लाईट नम्बर SHA ४३३ को जहाजबाट आएका दुई जनाबाट नेपालगन्ज विमानस्थलमा ४ किलो सुन बरामद भएपछी त्रिभुवन विमानस्थलको सुरक्षा जाँच लाई धेरै कडा पारिएको छ।
अमिर लगुन विश्वकर्मा र बुद्धिमान खातीले त्रिभुवन विमानस्थलको सुरक्षा घेरा पार गरी हवाई मार्गमार्फत चार किलो सुन नेपालगञ्ज विमानस्थलमा पुर्‍याएसँगै काठमाडौं विमानस्थलको सुरक्षामाथि प्रश्न उठिरहेको छ ।
काठमाडौं विमानस्थलबाट त्यति ठुलो परिमाणमा सुन कसरी भित्रियो भन्ने बारेको घटनाको अनुसन्धान गर्न नेपाल प्रहरीले छानविन समिति नै बनाइसकेको छ । उक्त घटनापछि काठमाडौं विमानस्थलको सुरक्षा चेक जाँचलाई अति कडा पारिएको छ।
सुन काण्डपछि भने आन्तरिक टर्मिनलमा नेपाल प्रहरीले सुरक्षा जाँच बढाएको छ । तर, टर्मिनलमा पर्याप्त सुरक्षा उपकरण नहुँदा यात्रुलाई भने सास्ती थपिएको छ । त्रिभुवन विमानस्थल कार्यालयका अनुसार सुरक्षा चेकजाँचमा कडाइ गरिएका कारण आन्तरिक टर्मिनलमा साविकको तुलनामा बढी समय लाग्न थालेको छ ।
सोही कारणबस एअरलाइन्स कम्पनीले सबै यात्रुहरुलाई निर्धारित समयभन्दा डेढ घन्टा अगाडी नै विमानस्थल आइपुग्न जानकारी गराएको छ। पर्याप्त सुरक्षा जाँचका उपकरणहरु नहुदा यात्रुलाई जाँच गर्दा धेरै समय लागेका कारण नियमीत समयमा उडान हुने जहाजहरु एकदेखि डेढ घण्टासम्म ढिलो गरी उडेको एअरलाइन्स कम्पनीले जनाएका छन् ।
यात्रुहरुलाई पहिला आधा घन्टा अगाडी चेक इन गर्न भनिएपनि चेक जाँच का उपकरण नहुदा यात्रुलाई चेक जाँच मा समय लाग्ने हुदा एअरलाइन्स कम्पनीहरुले यात्रुहरुलाई चांडो विमानस्थल पुग्न अनुरोध गरेका छन् ।

प्रकाशित मिति: सोमबार, भदौ २१, २०७८ २०:४६

प्रतिक्रिया दिनुहोस्