माओवादीको सदस्यता नलिएका कांग्रेस-एमाले निकट शिक्षकहरु जागिरबाट हटाइए

शिक्षा

गृहपृष्ठ
शिक्षा
माओवादीको सदस्यता नलिएका कांग्रेस-एमाले निकट शिक्षकहरु जागिरबाट हटाइए

माओवादीको सदस्यता नलिएका कांग्रेस-एमाले निकट शिक्षकहरु जागिरबाट हटाइए

मंगलबार, भदौ २२, २०७८ बागेश्वरी पोस्ट

नेपालगन्ज ।एक वर्ष पहिला रुकुम पश्चिमको चौरजहारी नगरपालिकामा नगर शिक्षकमा नाम निकालेर माध्यमिक विद्यालय कोटजहारीमा काम शुरु शिक्षक टेकबहादुर नेपाली दुई दिनअघि अचानक जागिरबाट हटाइए । उनीसँगै भर्ना भएका आधारभूत विद्यालय गोइरीका अमृत बोहरा र सरस्वती माध्यमिक विद्यालय घरेलुचौर अमृत केसीले पनि जागिरबाट हात धुनु पर्यो ।

हप्ता दिन पहिले रुकुम पश्चिमको चौरजहारी नगरपालिकाका बोलाइएका नगर शिक्षकहरुलाई सोधिएको थियो, ‘पार्टीको सदस्यता लिने कि जागिरबाट हट्ने ?’ नगरप्रमुखको कार्यकक्षमा बोलाएर सोधिएको यस प्रश्नमा नेकपा माओवादीको सदस्यता लिन मञ्जुर भनेर जवाफ दिएका नगर शिक्षकको जागिर नविकरण भयो भने पार्टीको सदस्यता लिन नमानेका शिक्षकहरु जागिरबाट हटाइएका हुन् ।

नेकपा माओवादीको सदस्यता नलिएपछि जागिरबाट हात धोएका यी त केही उदाहरणमात्र हुन् । नगरपालिकाले नगर शिक्षकमा भर्ना गरेका १ सय २७ जना शिक्षकमध्ये हालसम्म १ सय ३ जनाको मात्र जागिर नविकरण भएको छ भने बाँकी केहीलाई हटाइएको छ । केहीसँग सदस्यताको बार्गेनिङ चलिरहको छ । नगर शिक्षकमा भर्ना भएका शिक्षकहरु नेकपा माओवादी केन्द्र र नेकपा एमाले एक हुँदा भर्ना गरिएका शिक्षक हुन् ।

श्रोतका अनुसार त्यतिबेला राजनीतिक आस्थाकै कारण कांग्रेस निकटहरुको नाम निकालिएको थिएन भने अहिले म्याद नथपिएका शिक्षकहरु आस्थाको हिसाबले एमाले लाइनमा फर्किएका शिक्षकहरु हुन् ।हाम्राकुरा।

प्रकाशित मिति: मंगलबार, भदौ २२, २०७८ १०:५३