त्रिभुवन विमानस्थलबाट २ करोड बढीको सुनसहित २ जना पक्राउ

सुरक्षा-अपराध

गृहपृष्ठ
सुरक्षा-अपराध
त्रिभुवन विमानस्थलबाट २ करोड बढीको सुनसहित २ जना पक्राउ

त्रिभुवन विमानस्थलबाट २ करोड बढीको सुनसहित २ जना पक्राउ

बुधबार, भदौ ३०, २०७८ बागेश्वरी पोस्ट

नेपालगन्ज । त्रिभुवन अन्तर्राष्ट्रिय विमानस्थलबाट २ करोड बढीका सुनका गहनासहित दुई जना पक्राउ परेका छन् ।

श्री एयरलाइन्सको उडानमार्फत काठमाडौंबाट विराटनगर जान लागेका दुईजनालाई विमानस्थल प्रहरीले चेक जाँच का क्रममा सुनसहित पक्राउ गरेको छ। सुनसहित पक्राउ पर्नेमा कैलाली बदगोरिया गाउँपालिका १ का ३० वर्षीय बोधराज भण्डारी र धनुषाको जनकपुर उपमहानगरपालिका २ का ४७ वर्षीय मुरारीराज अधिकारी रहेका छन् ।

प्रहरीले भण्डारी र अधिकारीको ब्यागलाई एक्सरे मेसिनमा राखेर चेकजाँच गर्दा २ करोड २४ लाख ९२ हजार ३९७ मूल्य बराबरको ३ केजी ३६० ग्राम सुन बरामद भएको विमानस्थल सुरक्षा प्रहरी कार्यालयले जानकारी दिएको छ । पक्राउ परेका दुई जना र बरामद गरिएको सुनलाई ललितपुरस्थित राजश्‍व अनुसन्धान विभाग, हरिहरभवन, पुल्चोकमा पठाइएको प्रहरीले जानकारी दिएको छ ।

प्रकाशित मिति: बुधबार, भदौ ३०, २०७८ १७:१६