सांसदमा निर्वाचित विद्यालाई संसद पस्न अवरोधक बन्यो धारा ८८

राजनीति

गृहपृष्ठ
राजनीति
सांसदमा निर्वाचित विद्यालाई संसद पस्न अवरोधक बन्यो धारा ८८

सांसदमा निर्वाचित विद्यालाई संसद पस्न अवरोधक बन्यो धारा ८८

बुधबार, मंसिर २५, २०७६ बागेश्वरी पोस्ट

काठमाडौं । गत उपनिर्वाचनबाट नेकपाकी नेतृ विद्या भण्डारी कास्की-२ बाट प्रतिनिधिसभाको सदस्यको पदमा निर्वाचित भइन् । सांसदमा निर्वाचित भए पनि भट्टराईले सदन सुरु हुनासाथ सांसदको रुपमा सदन प्रवेश गर्ने बाटो रोकिएको छ । कारण हो सभामुखको कुर्सी खाली हुनु ।

नेपालको संविधानको धारा ८८ मा लेखिएको छ, ‘संघीय संसदको प्रत्येक सदनका सदस्यले सदन वा त्यसको कुनै समितिको बैठकमा पहिलो पटक भाग लिनुअघि संघीय कानून बमोजिम सपथ शपथ लिनुपर्ने छ ।’ यही धाराको कारण भट्टराईलाई सांसदमा निर्वाचित भए पनि सदन प्रवेशमा अप्ठेरो परेको हो ।

अनौपचारिकरुपमा भट्टराईले सांसदको अधिकार प्रयोग गर्न पाए पनि संसदीय समितिहरुको बैठकमा औपचारिकरुपमा भाग लिन विशेष अप्‍ठेरो छ । किनकी नेपालको संविधानमा संघीय संसदका सदस्यले सदनमा त्यससम्बन्धी कुनै पनि समितिको औपचारिक बैठकमा भाग लिन सपथग्रहण अनिवार्य हुनुपर्ने उल्लेख गरिएको छ ।

उता आफ्नै कर्मचारीलाई बलात्कार प्रयास गरेको अभियोगमा जेल सजायँ भोग्न परेपछि कृष्णबहादुर महराले निभाउँदै आएको सभामुखको कुर्सी खाली छ । संसदका सदस्यलाई सभामुखले सपथ ग्रहण गराउने संवैधानिक व्यवस्था छ । यसर्थ, सांसद भट्टराईको पद तथा गोपनियताको सपथ ग्रहण सभामुखको टुंगो नलागेसम्म अनिश्चित भएको छ ।

सभामुख पदका लागि सत्तारुढ नेकपाभित्र धेरै नेताहरुले रुचि देखाएका छन् । यसअघि पूर्वमाओवादीको भागमा उक्त पद रहेकोले पूर्वमाओवादीका नेताहरुले विशेष दावी गरिरहेका छन् ।

राष्ट्रपतिले पुस ४ गतेका लागि संघीय संसदका दुवै सदनको हिउँदे अधिवेशन बोलाएपछि सभामुखका लागि रुचि देखाउनेहरुले भेटघाट र दौडधुपलाई तीव्रता दिएका छन् । यसबारे नेकपाका अध्यक्षद्वयले पनि अनौपचारिकरुपमा छलफल सुरु गरेको बुझिएको छ ।

प्रकाशित मिति: बुधबार, मंसिर २५, २०७६ १९:२५

प्रतिक्रिया दिनुहोस्