मुगु बस दुर्घटना अपडेट: २३ जनाको मृत्यु, १० बढी गम्भीर घाइते

समाचार

गृहपृष्ठ
समाचार
मुगु बस दुर्घटना अपडेट: २३ जनाको मृत्यु, १० बढी गम्भीर घाइते

मुगु बस दुर्घटना अपडेट: २३ जनाको मृत्यु, १० बढी गम्भीर घाइते

सुरक्षाकर्मीद्वारा उद्दार कार्य जारी

मंगलबार, असोज २६, २०७८ बागेश्वरी पोस्ट

नेपालगन्ज । मुगुमा भयंकर बस दुर्घटना हुँदा २३ जनाको मृत्यु भएको छ । छायानाथ रारा नगरपालिकास्थित पर्चानी खोलामा दुर्घटना भएको बसमा अहिले २३ जनाको शव फेला परेको मुगुका प्रमुख जिल्ला अधिकारी रोमबहादुर महतले जानकारी दिए ।

"दुर्घटनामा धेरै जना घाइते भएका छन् । घाइतेलाई विमानस्थलमा ल्याएका छौं र कतिपयलाई उद्दार गरिरहेका छौं, हामीले प्लेन र हेलिकप्टर मगाएका छौं," उनले भने । बस क्षतविक्षत् अवस्थामा छ। २३ जनाको मृत्यु भएको छ’, प्रजिअले भने ।

आज दिउँसो भे १ ख ३१६७ नम्बरको बस सुर्खेतबाट मुगुको सदरमुकाम गमगढी जाँदै गरेको बस छायानाथ रारा नगरपालिकास्थित पर्चानी खोलामा दुर्घटना भएको हो । दुर्घटनास्थलमा उद्दार कार्य जारी रहेको छ । घटनास्थलमा ठूलो संख्यामा नेपाल आर्मी, नेपाल प्रहरी, सशस्त्र प्रहरी र स्थानीय वासिन्दा उद्वारका लागि तैनाथ रहेका छन् ।

प्रकाशित मिति: मंगलबार, असोज २६, २०७८ १५:५८