टायर पन्चर भएर मुगु बस दुर्घटनामा ३२ जनाको ज्यान गएको प्रहरीको भनाइ

समाचार

गृहपृष्ठ
समाचार
टायर पन्चर भएर मुगु बस दुर्घटनामा ३२ जनाको ज्यान गएको प्रहरीको भनाइ

टायर पन्चर भएर मुगु बस दुर्घटनामा ३२ जनाको ज्यान गएको प्रहरीको भनाइ

बुधबार, असोज २७, २०७८ बागेश्वरी पोस्ट

नेपालगन्ज । मंगलबार नेपालगन्जबाट सुर्खेत हुँदै मुगु जादै गरेको भे १ ख ३१६७ नम्बरको यात्रुवाहक बसको टायर पन्चर भई दुर्घटना हुँदा ३२ जनाको ज्यान गएको प्रहरीको अनुमान गरेको छ ।

नेपालगन्जबाट मुगु जादै गरेको भे १ ख ३१६७ नम्बरको यात्रुवाहक मङ्गलवार दिउसो १ बजे छाँयानाथ रारा नगरपालिका-७ पिना गाउँको तपने खोलामा दुर्घटना भएको थियो । उक्त बसमा ४६ जना यात्रुहरु रहेका थिए । दुर्घटना भएको बसको चालक बस्ने साइड तिरको टायर पन्चर भई बस अनियन्त्रित हुँदा ५ सय मिटर तल खस्दा ३२ जनाको मृत्यु र १३ जना घाइते भएको प्रहरीले बताएको छ ।

दुर्घटना स्थल पिना गाउँमा रहेको प्रहरी चौकीबाट २ मिनेट टाढा भिरालो मोड रहेको छ। दुर्घटना समयमा पिना चौकीको प्रहरी गस्ती घटना स्थल मुनी रहेको थियो । प्रहरी गस्तीले ठुलो आवाजमा पड्केको सुन्न बित्तिकै बस भिरबाट खसेको देखेका र बसको अवस्था हेर्दा चालक तिरको टायर च्यातिएको देख्दा दुर्घटना अन्य कारण नभई टायर पन्चर हुँदा मोडमा बस अनियन्त्रित भई भिरबाट खस्दा ३२ जनाको ज्यान गएको जिल्ला प्रहरी कार्यालयका प्रहरी नायब उपरीक्षक चित्र बहादुर भट्टराईले जानकारी दिएका हुन ।

मङ्गलवार दुर्घटना भई मृत्यु र घाइते हुने दसैँ बिदामा नेपालगन्ज , काठमाडौँ लगायत अन्य सहरका कलेजमा अध्ययन गर्ने अधिकांश विद्यार्थी लगायत अन्य व्यक्ति रहेका छन्। मृत्यु हुनेमा १८ पुरुष ८ महिला र दुई नाबालक रहेका छन् भने ४ जनाको सनाखत हुन बाँकी रहेको छ ।

प्रकाशित मिति: बुधबार, असोज २७, २०७८ १५:३२