नेपाल बार एशोसियसन परिसरमा वकिलबिच हानाहान

सुरक्षा-अपराध

गृहपृष्ठ
सुरक्षा-अपराध
नेपाल बार एशोसियसन परिसरमा वकिलबिच हानाहान

नेपाल बार एशोसियसन परिसरमा वकिलबिच हानाहान

शुक्रबार, कात्तिक १२, २०७८ बागेश्वरी पोस्ट

नेपालगन्ज । नेपाल बार एशोसियसन परिसरमै दुई जना वकिलबिच हनाहान भएको छ। प्रधानन्यायाधीश चोलेन्द्र शमशेर जबराका समर्थक र विरोधी वकिलबीच आज दिउँसो नेपाल बारभित्रै कुटाकुट भएको हो।आज मध्यान्ह दुई जना वकिल, विराट न्यौपाने र भूमिनन्द चुँडालबीच कुटाकुट भएको हो।

चुडालले इजलास खोल्नुपर्छ भन्ने विचार राख्दै परिसरमा उपस्थित केही मिडियालाई अन्तर्वार्ता दिइरहेको बेला न्यौपानेले किन त्यसो भनेको भन्दै विवाद झिकेका थिए।प्रधानन्यायाधीशलाई लिएर दुई जनाबीच विवाद बढ्दै गएपछि काठमाडौं बारका अधिवक्ता न्यौपानेले सर्वोच्च बारका अर्का अधिवक्ता चुँडालमाथि जाइलागेका हुन्।

परिसर भित्रै दुबैले लाता हानाहान गरेका छन्।न्यौपाने प्रधानन्यायाधीशको राजीनामाको पक्षमा उभिएका छन् भने चुडाँल न्यायाधीशहरूको बेन्च बहिष्कारको विरुद्धमा छन् ।
प्रधानन्यायाधीशले राजीनामा नदिए आन्दोलनका कार्यक्रम घोषणा गर्ने भन्दै बार कार्यसमिति बैठक अहिले बसिरहेको छ। दुई जना वकिलले कुटाकुट गरेको भिडिओ अहिले भाइरल बनेको छ।

प्रकाशित मिति: शुक्रबार, कात्तिक १२, २०७८ १५:१८

प्रतिक्रिया दिनुहोस्