तिहारमा बालिएको दियोले आगलागी, एकै घरका ४ जनाको मृत्यु

समाचार

गृहपृष्ठ
समाचार
तिहारमा बालिएको दियोले आगलागी, एकै घरका ४ जनाको मृत्यु

तिहारमा बालिएको दियोले आगलागी, एकै घरका ४ जनाको मृत्यु

शनिबार, कात्तिक २०, २०७८ बागेश्वरी पोस्ट

नेपालगन्ज । तिहारमा बालिएको दियोले घरमा आगलागी हुँदा निसास्सिएर एकै परिवारका ४ जनाको मृत्यु भएको छ । गएराती ललितपुर उपमहानगरपालिका पाटनको मंगलबजारमा आगलागी हुँदा एकै परिवारका ४ जनाको मृत्यु भएको प्रहरीले जानकारी दिएको छ ।

मृत्यु हुनेमा लक्ष्मीकृष्ण ताम्राकार, उनकी छोरी अञ्जना ताम्राकार, बुहारी रञ्जना ताम्राकार र नाती निर्जल ताम्राकार रहेको प्रहरीले बताएको छ । आगलागीमा परेर घरभित्र फसेका ५ जनालाई प्रहरी र स्थानीयले उद्दार गरेका छन् ।

घाइते दुई जनाको पाटन अस्पतालमा उपचार भइरहेको छ । घरको तेस्रो तलामा दियोबाट आगो सल्किएको प्रारम्भिक अनुसन्धानबाट देखिएको प्रहरीले जानकारी दिएको छ । आगो बढ्दै गएर भान्छामा रहेको ग्यास सिलिण्डर समेत पड्किएको प्रहरीले बताएको छ ।

प्रकाशित मिति: शनिबार, कात्तिक २०, २०७८ ०७:५९

प्रतिक्रिया दिनुहोस्