सल्यान अपडेट:मृतक १२ मध्ये १० जनाको सनाखत

समाचार

गृहपृष्ठ
समाचार
सल्यान अपडेट:मृतक १२ मध्ये १० जनाको सनाखत

सल्यान अपडेट:मृतक १२ मध्ये १० जनाको सनाखत

आइतबार, कात्तिक २१, २०७८ बागेश्वरी पोस्ट

नेपालगन्ज । सल्यानमा भएको बस दुर्घटनाका मृतक १२ जनामध्ये १० जनाको सनाखत भएको छ ।

सल्यान प्रहरीका अनुसार सनाखत हुनेहरूमा सल्यानको शारदा नगरपालिका १२ हाल दाङको तुलसीपुर उपमहानगरपालिका ६ बस्ने ५३ वर्षकी प्रभा चलाउने, शारदा नगरपालिका २ की ६१ वर्षीया मिना डाँगी, शारदा नगरपालिका ३ की ६६ वर्षीया लीला बुढाथोकी, त्रिवेणी गाउँपालिका १ काभ्राकी २४ वर्षीया मिना शाही, दाङको बबई गाउँपालिका ४ का ६० वर्षीया डुली रेउले, दाङको बबई गाउँपालिका ६ की ७० वर्षीया कलावती बुढाथोकी, दाङको घोराही उपमहानगरपालिका नारायणपुरकी ६५ वर्षीया ईन्द्रा अधिकारी, सल्यानको छत्रेश्वरी गाउँपालिका २ का २९ वर्षीय तिलक ओली, दाङ शान्तिनगर गाउँपालिका ८ की ३५ वर्षीया सावित्रा केसी र दाङ कोरवाङका ५ वर्षीय सुरज ओली छन् ।

सल्यानको जयतपानीबाट दाङको तुलसीपुरतर्फ जाँदै गरेको रा १ ख २५५२ नम्बरको बस कपुरकोट गाउँपालिका ५ खारखोलामा बिहान पौने ११ बजेतिर दुर्घटना भएको हो । बसमा ३७ जना सवार रहेको प्रहरीले अनुमान गरेको छ । घाइतेमध्ये १३ जनालाई थप उपचारका लागि नेपालगन्ज रिफर गरिएको छ भने बाँकीको सल्यान जिल्ला अस्पतालमा उपचार भइरहेको छ ।

प्रहरीका अनुसार ८ जनाको घटनास्थलमै र बाँकीको उपचारका क्रममा मृत्यु भएको हो । चालक भने फरार भएका छन् । उनको खोजी भइरहेको प्रहरीले जनाएको छ । बस सडकबाट २ सय मिटर तल खसेको थियो ।

प्रकाशित मिति: आइतबार, कात्तिक २१, २०७८ १७:११

प्रतिक्रिया दिनुहोस्