मलद्धारमा सुन तस्करी:त्रिभुवन विमानस्थलबाट एक भारतीय पक्राउ

सुरक्षा-अपराध

गृहपृष्ठ
सुरक्षा-अपराध
मलद्धारमा सुन तस्करी:त्रिभुवन विमानस्थलबाट एक भारतीय पक्राउ

मलद्धारमा सुन तस्करी:त्रिभुवन विमानस्थलबाट एक भारतीय पक्राउ

बुधबार, कात्तिक २४, २०७८ बागेश्वरी पोस्ट

फाइल फोटो

नेपालगन्ज । मलद्धारमा लुकाएर ल्याइएको सुनसहित त्रिभुवन अन्तर्राष्ट्रिय विमानस्थलबाट प्रहरीले एक जना बिदेशी नागरिकलाई पक्राउ गरेको छ।प्रहरीले मलद्वारमा लुकाएर ल्याइएको आधा किलो सुनसहित आज एक जना भारतीय नागरिक मोहम्मद जुबेदलाई त्रिभुवन अन्तर्राष्ट्रिय विमानस्थलबाट पक्राउ गरेको जानकारी दिएको छ।

त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख एसएसपी राजेशनाथ बाँस्तोलाका अनुसार शङ्कास्पद देखिएपछि उनीमाथि चेकजाँच गरिएको थियो।त्यसपछि प्रहरीले ती भारतीय नागरिकलाई पानी तथा चिया पिउन लगाएर शौचालयमा पठाइ सो सुन निकाल्न लगाएको हो।

सुन निकालिएपछि प्रहरीले उनीमाथि थप अनुसन्धानअघि बढाएको जनाएको छ। पक्राउ परेका ती व्यक्तिलाई भन्सार विभागको जिम्मा लगाइएको प्रहरीले बताएको छ।

नेपाल प्रहरीले आर्थिक वर्ष २०७७/०७८ मा २७ करोड १५ लाख ९१ हजार ६ सय ८० रुपैयाँ बराबरको अवैध सुन बरामद गरेको थियो । पक्राउ परेका भारतीय नागरिकसँँग थप अनुसन्धान भइरहेको छ।

प्रकाशित मिति: बुधबार, कात्तिक २४, २०७८ १७:५०

प्रतिक्रिया दिनुहोस्