अर्जुन दास हत्याको विरोधमा आज लम्की बजार बन्द

सुरक्षा-अपराध

गृहपृष्ठ
सुरक्षा-अपराध
अर्जुन दास हत्याको विरोधमा आज लम्की बजार बन्द

अर्जुन दास हत्याको विरोधमा आज लम्की बजार बन्द

शुक्रबार, पुस ९, २०७८ बागेश्वरी पोस्ट

नेपालगन्ज । गत हप्ता कैलालीमा भएको अर्जुन दास हत्याको विरोधमा आज लम्की बजार बन्द गरिएको छ । गत शनिबार हत्या गरिएका कैलालीको जानकी गाउँपालिका ९ का दासको न्यायका लागि भन्दै लम्की बजार बन्द गरी राजमार्ग अबरुद्ध गरीएको छ । अर्जुनको न्यायका लागि सङ्घर्ष समितिको अगुवाइमाआज आज बिहान ११ बजे देखि दिउँसो ३ बजेसम्म लम्की बजार बन्द गरी पुर्बपश्चिम राजमार्ग अबरुद्ध गरिएको हो ।

अर्जुन हत्या घटनाको ७ दिन बितिसक्दा पनि प्रहरी, प्रशासनले घटनामा संलग्न अभियुक्तहरू पक्राउ गर्न नसकेको र घटनाको सत्यतथ्य बाहिर ल्याउन नसकेकोले न्यायको माग गदै लम्की बजार क्षेत्रको सम्पुर्ण ब्यवसाय बन्द गरी राजमार्ग अबरुद्ध पारिएको संघर्ष समितिले जनाएको छ । चरणबद्ध आन्दोलन अन्तर्गत संघर्ष समितिले बिहीबार जानकी गाउँपालिका कार्यालयमा तालाबन्दी गर्नुका साथै टीकापुरमा प्रर्दशन गरेको थियो ।

सङ्घर्ष समितिले घटनामा संलग्न अपराधीलाई पक्राउ गरी सर्वस्वसहित आजीवन कारावासको सजाय हुनुपर्ने, मृतकका परिवारलाई क्षतिपूर्ति, बालबालिकाको शिक्षाको व्यवस्था, पीडित परिवारको सुरक्षाको ग्यारेन्टी सहितका माग राख्दै ६ दिनदेखि आन्दोलन अघि बढाएको छ ।

गत शनिबार जानकी गाउँपालिका ९ स्थित अमरावती सामुदायिक वनमा अर्जुनको शव बरामद भएको थियो । टाउको छिनालिएको र नग्न अवस्थामा रूखमा बाँधिएको अवस्था शव रहेको थियो । घटनाको दुई दिनपछि प्रहरीले पोस्टमार्टमका लागि शव टीकापुर अस्पताल लगेको थियो । शवको पोस्टमार्टम भइसके पनि आफन्तहरूले शुक्रबार साँझसम्म शव बुझेका छैनन् ।

प्रकाशित मिति: शुक्रबार, पुस ९, २०७८ १७:२१

प्रतिक्रिया दिनुहोस्