शोक प्रस्ताव पारित गर्दै स्थगित भयो प्रतिनिधि सभा बैठक

राजनीति

गृहपृष्ठ
राजनीति
शोक प्रस्ताव पारित गर्दै स्थगित भयो प्रतिनिधि सभा बैठक

शोक प्रस्ताव पारित गर्दै स्थगित भयो प्रतिनिधि सभा बैठक

शुक्रबार, पुस ४, २०७६ बागेश्वरी पोस्ट

काठमाडाैं । संघीय संसद्को हिउँदे अधिवेशन शुरू भएको छ । संघीय संसद्अन्तर्गत प्रतिनिधि सभाको हिउँदे अधिवेशनको पहिलो बैठक शोक प्रस्ताव पारित गर्दै स्थगित भयो । अर्को बैठक यही पुस ११ गते बस्नेछ ।

अपराह्न सवा ४ बजे बसेको बैठकको शुरूमा उपसभामुख शिवमाया तुम्बाहाम्फेले अधिवेशन आह्वान सम्बन्धी राष्ट्रपतिले पठाएको पत्र पढेर सुनाएकी थिइन् ।

त्यसपछि बैठकले ४ जना पूर्व सांसदको निधनप्रति शोक प्रस्ताव पारित गरेको हो ।

संखुवासभाबाट २०५१ सालमा संसद्‍मा प्रतिनिधित्व गरेका सांसद हरि बैरागी दाहाल, २०५१ सालका सांसद रामलखन महतो, २०७० सालको संविधान सभाकी सांसद कमला घिमिरे र २०७० सालमा भक्तपुरबाट निर्वाचित रामेश्वर ढुंगेलको निधनमा शोक प्रस्ताव पारित गरिएको हो ।

पुस ११ गते बस्ने बैठकले सभामुख चयनको प्रक्रिया शुरू गर्नेछ ।

यौन दुर्व्यवहारको आरोपमा कृष्णबहादुर महराले पदबाट राजीनामा दिएपछि सभामुख पद रिक्त छ । महरा हाल पुर्पक्षका लागि डिल्लीबजार कारागारमा थुनामा छन् ।

प्रकाशित मिति: शुक्रबार, पुस ४, २०७६ १९:४८