भारतमा विवादास्पद नागरिकता संशोधन सम्बन्धी कानुनविरुद्ध शनिबार पनि प्रदर्शन

विश्व

गृहपृष्ठ
विश्व
भारतमा विवादास्पद नागरिकता संशोधन सम्बन्धी कानुनविरुद्ध शनिबार पनि प्रदर्शन

भारतमा विवादास्पद नागरिकता संशोधन सम्बन्धी कानुनविरुद्ध शनिबार पनि प्रदर्शन

शनिबार, पुस ५, २०७६ बागेश्वरी पोस्ट

नयाँ दिल्ली । भारतमा विवादास्पद नागरिकता संशोधन सम्बन्धी कानुनविरुद्ध शनिबार पनि प्रदर्शनले निरन्तरता पाएको छ । जारी प्रदर्शनमा ६ जनाको मृत्यु भएको बीबीसीले जनाएको छ । उत्तर प्रदेशका अधिकांश विभिन्न जिल्लामा भड्किएको हिंसामा उनीहरुको मृत्यु भएको हो ।

प्रदर्शनकारीहरुले प्रहरी चौकीमा आगजनी समेत गरेका छन् । सवारी साधनमा आगजनी गर्नुका साथै प्रहरीमाथि पेट्रोल बम प्रहार गरेको प्रहरीले जनाएको छ । स्थिति नियन्त्रणमा लिन प्रहरीले गोली चलाएको थियो ।

३२ प्रदर्शनकारी र आठ भन्दा बढी प्रहरी पनि घाईते भएका छन् । ठूलो संख्यामा प्रदर्शनकारी पक्राउ परेका छन् । नयाँ कानुनी व्यवस्थाले विवादास्पद आप्रवासीलाई भारतको नागरिकता दिने व्यवस्था गरेसँगै चर्किएको आन्दोलनमा १३ जनाको मृत्यु भैसकेको छ ।

विगत दुई हप्तादेखि भारतमा आन्दोलन जारी छ । नयाँ व्यवस्थाले पाकिस्तान, बंगलादेश र अफगानिस्तानबाट आएको प्रमाण पेश गर्ने हिन्दु, शिख, बौद्ध, जैन, पारसी र ईसाइ धर्मावलम्बीले भारतको नागरिकता पाउने भएका छन् ।

भारतको नागरिकता लिन उनीहरु ११ वर्ष बसेको वा काम गरेको हुनुपर्ने कानुनी व्यवस्था छ ।अंगीकृत नागरिकताका लागि भने ६ वर्ष मात्र बसेको वा काम गरेको हुनुपर्ने व्यवस्था गरिएको छ ।

प्रकाशित मिति: शनिबार, पुस ५, २०७६ १४:३६