त्रिभुवन विमानस्थलमा ५० लाख नगदसहित सौर्य एयरका कर्मचारी पक्राउ

सुरक्षा-अपराध

गृहपृष्ठ
सुरक्षा-अपराध
त्रिभुवन विमानस्थलमा ५० लाख नगदसहित सौर्य एयरका कर्मचारी पक्राउ

त्रिभुवन विमानस्थलमा ५० लाख नगदसहित सौर्य एयरका कर्मचारी पक्राउ

आइतबार, पुस १८, २०७८ बागेश्वरी पोस्ट

नेपालगन्ज । प्रहरीले ५० लाख रुपैयाँसहित सौर्य एयरलाइन्सका दुई जना कर्मचारीलाई पक्राउ गरेको छ । नेपाल प्रहरीले स्रोत नखुलेको ५० लाख नगदसहित सौर्य एयरलाइन्सकी एसिसटेन्टका रुपमा कार्यरत रेशा शाक्य पोखरेललाई त्रिभुवन विमानस्थलबाट पक्राउ गरेको छ ।

प्रहरीले विराटनगर महानगरपालिका ४ की ३३ वर्षीया पोखरेललाई शनिबार दिउँसो त्रिभुवन विमानस्थलबाट पक्राउ गरी आज सार्वजनिक गरेको हो । विराटनगरबाट काठमाडौँ आउँदै गरेको सौर्य एअरलाइन्सको जहाजमा सोही एयरलाइन्सका विराटनगर स्टेशन इन्चार्ज प्रकाश पौडेलले सुरक्षा जाँच समेत नगरी झोला राखेको सूचनाका आधारमा काठमाडौँमा जाँचका क्रममा उक्त नगदसहित प्रहरीले पोखरेललाई पक्राउ गरेको हो ।

पोखरेल सौर्य एयरलाइन्समा एसिसटेन्टका रुपमा कार्यरत रहेको अनुसन्धानबाट खुलेको छ । प्रहरीले उनीसँग एक हजारका दरले चार हजार ९०० थान र पाँच सयका दरका १०० थान गरी रु. ५० लाख नगद बरामद गरेको हो ।

बरामद रकमसहित पोखरेललाई आवश्यक अनुसन्धान तथा कारबाहीका लागि राजश्व अनुसन्धान विभाग हरिहरभवन पठाइएको विमानस्थल प्रहरीले जनाएको छ ।

विराटनगरका स्टेशन इन्चार्ज पौडेललाई प्रहरीले आज पक्राउ गरेको छ । पक्राउ परेका पौडेललाई काठमाडौं लैजाँदै गरिएको प्रहरीले जानकारी दिएको छ ।

प्रकाशित मिति: आइतबार, पुस १८, २०७८ १३:३६

प्रतिक्रिया दिनुहोस्