भौतिक पूर्वाधार विकास मन्त्रीका छोरा पक्राउ

सुरक्षा-अपराध

गृहपृष्ठ
सुरक्षा-अपराध
भौतिक पूर्वाधार विकास मन्त्रीका छोरा पक्राउ

भौतिक पूर्वाधार विकास मन्त्रीका छोरा पक्राउ

सोमबार, पुस १९, २०७८ बागेश्वरी पोस्ट

नेपालगन्ज । भौतिक पूर्वाधार विकास मन्त्री दीर्घबहादुर सोडारीका छोरा बबी सोडारी पक्राउ परेका छन् ।

जिल्ला प्रहरी कार्यालय कैलालीका डीएसपी वेदप्रकाश जोशीका अनुसार सुदूरपश्चिम प्रदेशका भौतिक पूर्वाधार विकास मन्त्री सोडारीका छोरा २३ वर्षीय बबी सोडारी सवारी ज्यान मुद्दामा पक्राउ परेका हुन् ।

यही पुस २ गते कैलालीको टीकापुरमा सोडारीले चलाएको बागमती प्रदेश ०१०२५ च ६६५५ नम्बरको गाडीको ठक्करबाट घाइते भएकी पैदल यात्री ९५ वर्षीया दुर्गादेवी न्यौपानेको उपचारको क्रममा मृत्यु भएपछि उनलाई पक्राउ गरिएको हो ।

डीएसपी जोशीले अनुसन्धानका लागि सोडारीलाई पक्राउ गरिएको बताए ।वृद्धाको उपचारको क्रममा नेपालगञ्जस्थित अस्पतालमा पुस ११ गते मृत्यु भएको थियो । पक्राउ परेका सोडारीसँँग थप अनुसन्धान भइरहेको प्रहरीले जनाएको छ।

प्रकाशित मिति: सोमबार, पुस १९, २०७८ १३:१८