रुबी भ्यालीमा पहिरोमा पुरिएका तीन जना अझै फेला परेनन्

समाचार

गृहपृष्ठ
समाचार
रुबी भ्यालीमा पहिरोमा पुरिएका तीन जना अझै फेला परेनन्

रुबी भ्यालीमा पहिरोमा पुरिएका तीन जना अझै फेला परेनन्

शुक्रबार, पुस ३०, २०७८ बागेश्वरी पोस्ट

नेपालगन्ज । बाटो खन्ने क्रममा पहिरो आएर डोजरसहित पुरिएर बेपत्ता भएका तीन जना अझै सम्म फेला परेका छैनन् ।

बिहीवार बिहान धादिङको रुबी भ्याली गाउँपालिका १ मा बाटो खन्ने क्रममा पहिरो आएर पुरिएर बेपत्ता भएका डोजर चालक आकाश तामाङ, सहचालक राजु तामाङ र स्थानीय अनिश तामाङहरुको अवस्था अझै अज्ञात रहेको जिल्ला प्रहरी कार्यालय धादिङका प्रवक्ता डीएसपी जागेश्वर भण्डारीले जानकारी दिएका छन् ।

डीएसपी भण्डारीका अनुसार बेपत्ता भएकाहरुको खोजी कार्यमा नेपाली सेना, सशस्त्र प्रहरी, नेपाल प्रहरी र स्थानीय संयुक्त टोली जुटिरहेका छन् । हिजो अबेर साझँसम्म खोजीकार्य गरेपनी उनीहरु फेला नपरेको डीएसपी भण्डारीले बताए ।

पहिरो खसेको स्थानमा मेसिन औजार प्रयोग गर्न सकिने अवस्था छैन, मानिसले नै आफैं पहिरो पन्छाउनु पर्ने भएका कारण खोजीकार्यमा कठिनाई भएपनी आज बिहानै देखि खोजी जारी रहेको डीएसपी भण्डारीले जानकारी दिएका छन् ।

प्रकाशित मिति: शुक्रबार, पुस ३०, २०७८ ०९:४९

प्रतिक्रिया दिनुहोस्