काठमाडौंको स्नुकर हाउसमा जुवा खेल्दै गरेका ७४ जना पक्राउ

सुरक्षा-अपराध

गृहपृष्ठ
सुरक्षा-अपराध
काठमाडौंको स्नुकर हाउसमा जुवा खेल्दै गरेका ७४ जना पक्राउ

काठमाडौंको स्नुकर हाउसमा जुवा खेल्दै गरेका ७४ जना पक्राउ

सोमबार, माघ १७, २०७८ बागेश्वरी पोस्ट

नेपालगन्ज । स्नुकर हाउसमा बिङ्गो खेलिरहेको अवस्थामा काठमाडौंबाट प्रहरीले ७४ जनालाई पक्राउ गरेको छ ।

काठमाडौं महानगरपालिका ६ नयाँ बस्तीस्थित दोलाखा सैलुङ गाउँपालिका घर भएका ३० वर्षीय सागर घिसिङको निर्माण हुँदै गरेको स्नुकर हाउसमा बिङ्गो खेलिरहेको अवस्थामा सागर घिसिङ समेत ६६ जना पुरुष र ८ जना महिला गरी ७४ जनालाई आइतबार साँझ प्रहरीले पक्राउ गरेको हो ।

उक्त स्नुकर हाउसमा हार जित हुने गरी बिङ्गो खेलाइरहेको भन्ने सूचनाको आधारमा महानगरीय प्रहरी परिसर काठमाडौं र महानगरीय प्रहरी वृत्त बौद्धबाट संयुक्तरुपमा खटिएको प्रहरीले उनीहरूलाई नगद ६ लाख १९ हजार २ सय ५० रुपैयाँ सहित फेला पारी पक्राउ गरेको हो ।

पक्राउ परेका ७४ जनासँग जुवा ऐन अन्तर्गत थप अनुसन्धान गरिरहेको प्रहरीले जानकारी दिएको छ ।

प्रकाशित मिति: सोमबार, माघ १७, २०७८ १४:१६