नेपालगन्जबाट भारत लैजाँद गरिएको सुपारीसहित दुई भारतीय नागरिक पक्राउ

स्थानीय

गृहपृष्ठ
स्थानीय
नेपालगन्जबाट भारत लैजाँद गरिएको सुपारीसहित दुई भारतीय नागरिक पक्राउ

नेपालगन्जबाट भारत लैजाँद गरिएको सुपारीसहित दुई भारतीय नागरिक पक्राउ

मंगलबार, माघ १८, २०७८ बागेश्वरी पोस्ट

नेपालगन्ज । जिल्ला प्रहरी बाँकेले नेपालगन्जदेखि भारततर्फ लैजाँदै गरिएको अबैध सुपारीसहित दुई जनालाई नियन्त्रणमा लिएको छ ।

जिल्ला प्रहरी बाँकेबाट खटिएको प्रहरी टोलीले दुई वटा अटो रिक्सामा लुकाईछिपाई भारततर्फ लैजाँदै गरिएको अवस्थामा आज दिउँसो नेपालगन्ज १० क्याम्पस अगाडिबाट ठूलो परिमाणको सुपारी, दुई वटा अटो रिक्सासहित दुई जना भारतीय नागरिकलाई पक्राउ गरेको जिल्ला प्रहरी बाँकेले जनाएको छ ।

जिल्ला प्रहरी बाँकेका अनुसार पक्राउ पर्नेमा रूपैडिहा बस्ने इरफान राई र सोही स्थानमा मोहम्मद सइद रहेका छन् ।

प्रहरीले सुपारी तस्करीमा प्रयोग भएका भे १ ह १८२४ र भे १ स १२१९ नम्बरका अटो रिक्सासमेत नियन्त्रणमा लिएको छ ।

अन्दाजी २ लाख ६ हजार ५ सय रुपैयाँ बराबरका सुपारी र अटो रिक्सासहित दुबै जनालाई आबश्यक कारबाहीका लागि आजै नेपालगन्ज भन्सार कार्यालय बुझाइएको जिल्ला प्रहरी बाँकेले जानकारी दिएको छ ।

प्रकाशित मिति: मंगलबार, माघ १८, २०७८ १८:१९

प्रतिक्रिया दिनुहोस्