नेपालगन्जको छताछुल्ल पार्किङलाई ब्यबस्थित गर्दै बाँके ट्राफिक

स्थानीय

गृहपृष्ठ
स्थानीय
नेपालगन्जको छताछुल्ल पार्किङलाई ब्यबस्थित गर्दै बाँके ट्राफिक

नेपालगन्जको छताछुल्ल पार्किङलाई ब्यबस्थित गर्दै बाँके ट्राफिक

बुधबार, माघ १९, २०७८ बागेश्वरी पोस्ट

नेपालगन्ज । जिल्ला ट्राफ्रिक प्रहरी कार्यालय बाँकेका प्रमुख प्रहरी निरीक्षक हिमालय शाह कोरोना संक्रमण मुक्त भए लगत्तै पुनः ट्राफिक व्यवस्थापनमा लागेका छन् ।

बाँके ट्राफिकले नेपालगन्जमा जथाभाबी पार्किङ गरेर राखिएका सवारीसाधन ब्यबस्थित गर्न अभियान सुरु गरेको छ । उपमहानगरपालिकाको नेपालगन्ज बजार क्षेत्रमा जथाभाबी अब्यबस्थित पार्किङ भइरहने हुँदा बजार क्षेत्रको पार्किङमा सुधार ल्याउनका लागि जिल्ला ट्राफ्रिक प्रहरी कार्यालय बाँकेले व्यवस्थित गर्न थालेको बाँके ट्राफिक प्रमुख प्रहरी निरीक्षक शाहले बताए ।

ट्राफिक प्रमुख शाहका अनुसार त्रिभुवन चोक र सदरलाइनमा अव्यवस्थित तरिकाले जथाभाबी पार्किङ गरेर राखिएका मोटरसाइकल तथा अन्य सवारीसाधनलाई ट्राफ्रिक प्रहरीले ब्यबस्थित गरेको छ । नेपालगन्ज बजारको बिभिन्न स्थानहरुमा जथाभाबी पार्किङ गरिराखेका ठुला सवारीसाधन, मोटरसाइकल, स्कुटर, अटो रिक्सा, ठेलागाडाहरुलाई ट्राफ्रिक प्रहरीले निश्चित स्थानमा पार्किङ गर्न लगाउँदै ब्यवस्थित गर्न सुरु गरेको ट्राफ्रिक प्रमुख शाहले जानकारी दिए ।

नेपालगन्ज बजार क्षेत्रका त्रिभुवन चोक, सदरलाइन, त्रिबेणीमोड, इदगाह रोड, विपी चोक, धम्बोझी चोक, सेतु विक चोक, घरबारी टोल र न्युरोडमा अव्यवस्थितरुपमा पार्किङ गरी सवारीसाधान राखिँदै आइएको भएपनि ट्राफिक प्रहरी त्यसको उचित व्यवस्थापनको सुरु गरेको छ ।

मुख्यतः सडक दुर्घटना न्यूनीकरण गर्न बाँके ट्राफ्रिक प्रहरीले सवारी चेकजाँचमा कडाई, जनचेतनामूलक, प्रशिक्षण जस्ता कार्य गर्दै आएको छ । यता ट्राफिक प्रमुख शाहले पहिला पार्किङ निश्चित स्थानमा पार्किङ गर्न अनुरोध समेत गरेको र पछि अटेरी गरेको पाइएमा कारबाही समेत गरिने बताए । साथै ट्राफिक प्रहरी बाँकेले कोरोनाविरुद्धको लडाइँमा मास्क समेत वितरण गर्दै आएको छ ।

प्रकाशित मिति: बुधबार, माघ १९, २०७८ १०:५२

प्रतिक्रिया दिनुहोस्