बर्दियामा बस दुर्घटना, ३५ जना घाइते

स्थानीय

गृहपृष्ठ
स्थानीय
बर्दियामा बस दुर्घटना, ३५ जना घाइते

बर्दियामा बस दुर्घटना, ३५ जना घाइते

बिहीबार, माघ २०, २०७८ बागेश्वरी पोस्ट

नेपालगञ्ज । बर्दियामा बस दुर्घटना हुँदा ३५ जना घाइते भएका छन् । बाँसगढी नगरपालिका वडा नम्बर ३ मा आज बिहान बस दुर्घटना हुँदा ३५ जना यात्रु घाइते भएका हुन् । घाइतेमध्ये दुई जनाको अवस्था गम्भीर छ ।

कालीकोटबाट महेन्द्रनगरतर्फ जाँदै गरेको ना५ख ५३८२ नम्बरको बस आज बिहान करिब सवा ३ बजे अनियन्त्रित भएर दुर्घटना भएको हो । बस सडकदेखि अन्दाजी १५ मिटर तल खसेको छ ।

दुर्घटनामा घाइतेमध्ये कालीकोटको त्रिवेणी गाउँपालिका ६ की ११ वर्षीया शीतला उपाध्याय र सान्नी त्रिवेणी गाउँपालिका ७ की ६९ वर्षीया ओमना उपाध्यायको अवस्था गम्भीर रहेको इलाका प्रहरी कार्यालय मोतीपुरले जनाएको छ ।

दुवै जनालाई उपचारका लागि कोहलपुरस्थित नेपालगञ्ज मेडिकल कलेज ल्याइएको छ । सामान्य घाइते भएका अन्यको कौशिल्या अस्पतालमा उपचार भइरहेको छ ।

प्रकाशित मिति: बिहीबार, माघ २०, २०७८ १०:५०

प्रतिक्रिया दिनुहोस्