कृषि अनुसन्धान कार्यालयहरुको प्रगति समीक्षा गोष्ठी खजुरामा सम्पन्न

स्थानीय

गृहपृष्ठ
स्थानीय
कृषि अनुसन्धान कार्यालयहरुको प्रगति समीक्षा गोष्ठी खजुरामा सम्पन्न

कृषि अनुसन्धान कार्यालयहरुको प्रगति समीक्षा गोष्ठी खजुरामा सम्पन्न

बिहीबार, माघ २०, २०७८ बागेश्वरी पोस्ट

(खजुरा) बाँके । चालू आर्थिक बर्षको दोश्रो त्रैमासिक तथा अर्धवार्षिक प्रगति समीक्षा गोष्ठी खजुरामा सम्पन्न भएको छ ।

कृषि अनुसन्धान निर्देशनालय खजुराका निर्देशक डा. समीद अहमदको सभापतित्व एवम् नेपाल कृषि अनुसन्धान परिषद्का प्रशासन निर्देशक नविन प्रकाश पौडेलको प्रमुख आतिथ्यतामा गोष्ठी सम्पन्न भएको हो ।

No description available.

गोष्ठीमा प्रमुख अतिथि पौडेलले नार्कले गरेका उपलब्धि एवम् विकसित प्रविधिको व्यापक प्रचारप्रसार गरी आम किसानसम्म पुर्याउन लाग्नुपर्ने बताए । खजुराका निर्देशक डा. अहमदले लक्ष्य अनुरुप कार्यक्रम सञ्चालन एवम् सम्पन्न गरेकोमा तथा कार्यक्रमलाई सफलतापूर्वक सम्पन्न गर्न सबैको भूमिका रहेको भन्दै सम्पूर्णलाई धन्यवाद ज्ञापन गरेका थिए ।

गोष्ठीमा नेपाल कृषि अनुसन्धान परिषद् (नार्क) अन्तर्गत् लुम्बिनी प्रदेश, कर्णाली प्रदेश र सुदूरपश्चिम प्रदेशका १२ ओटा कार्यालयको प्रगति प्रस्तुत गरिएको नार्क खजुराका सूचना अधिकारी एवम् प्राविधिक अधिकृत रविन गिरीले जानकारी दिए ।

No description available.

गोष्ठीमा कृषि अनुसन्धान निर्देशनालय लुम्बिनी प्रदेश खजुरा, कृषि अनुसन्धान निर्देशनालय सुदुरपश्चिम प्रदेश डोटी, कृषि अनुसन्धान निर्देशनालय कर्णाली प्रदेश सुर्खेत, राष्ट्रिय गहुँबाली अनुसन्धान कार्यक्रम भैरहवा, कोशेबाली अनुसन्धान कार्यक्रम खजुरा, अदुवाबाली अनुसन्धान कार्यक्रम कपुरकोट सल्यान, बागवानी अनुसन्धान केन्द्र किमुगाउँ दैलेख, बागवानी अनुसन्धान केन्द्र राजिकोट जुम्ला, उच्च पर्वतीय कृषि अनुसन्धान प्रतिष्ठान जुम्ला, भेडा बाख्रा अनुसन्धान कार्यक्रम गुठिचौर जुम्ला, कृषि अनुसन्धान केन्द्र विजयनगर जुम्ला र कफी अनुसन्धान कार्यक्रम गुल्मीका प्रमुख एवम् प्रतिनिधिहरुको सहभागिता थियो ।