स्काभेटर आगजनी घटनाप्रति नेपाली कांग्रेस क्षेत्र नं १ बाँकेको आपत्ति

स्थानीय

गृहपृष्ठ
स्थानीय
स्काभेटर आगजनी घटनाप्रति नेपाली कांग्रेस क्षेत्र नं १ बाँकेको आपत्ति

स्काभेटर आगजनी घटनाप्रति नेपाली कांग्रेस क्षेत्र नं १ बाँकेको आपत्ति

शनिबार, माघ २२, २०७८ बागेश्वरी पोस्ट

नेपालगन्ज । बाँकेको राप्तीसोनारी गाउँपालिकामा नेपाल तरुण दल कोहलपुरका उपाध्यक्ष गौरव रावलको स्काभेटर आगजनी गरिएको घटनाप्रति नेपाली कांग्रेस क्षेत्र नम्बर १ बाँकेले घोर आपत्ति प्रकट गरेको छ ।

नेपाली कांग्रेसका क्षेत्रीय प्रतिनिधि एबम् नेपाल तरुण दल कोहलपुरका उपाध्यक्ष समेत रहेका रावलको भे १ क ११११ नम्बर स्काभेटरमा माघ १८ गते राती आगजनी गरिएको घटनाप्रति एक बिज्ञप्ति जारी गर्दै नेपाली कांग्रेस क्षेत्र नम्बर १ बाँकेले घोर आपत्ति प्रकट गरेको हो ।

नेपाली कांग्रेस क्षेत्र नम्बर १ बाँकेले कानुनी शासनलाई चुनौती दिँदै रावलको उक्त स्काभेटरलाई राप्तीसोनारी गाउँपालिका वडा नम्बर २ मसुरी बगरको लामाचौरमा आगजनी घटनामा संलग्न जो कोही भएपनि तत्काल पक्राउ गरी कारबाही गर्न माग गरेको छ ।

यस्तो अराजक र जघन्य अपराधको निन्दा गर्दै प्रहरीले यथाशिघ्र अनुसन्धान गरेर दोषी पत्ता लगाई कारबाही गर्न कांग्रेस क्षेत्र नम्बर १ ले माग गरेको छ । साथै पीडितलाई क्षतीपूर्तिको व्यवस्था मिलाउन समेत आग्रह गरेको छ ।

प्रहरी प्रशासनले आगजनी घटनालाई तत्काल अनुसन्धान नगरी सामान्यरुपमा लिएर दबाउन खोजेमा कडा भन्दा कडा कदम चालिने नेपाली कांग्रेस क्षेत्र नम्बर १ बाँकेका क्षेत्रीय सचिव खुमबहादुर बस्नेतद्वारा जारी बिज्ञप्तिमा भनिएको छ ।

प्रकाशित मिति: शनिबार, माघ २२, २०७८ १४:५९

प्रतिक्रिया दिनुहोस्